Sport

Spanja kundër Kolumbisë në mars, në stadiumin Olimpik të Londrës…

Federata Spanjole e ka konfirmuar këtë të premte përmes rrjeteve sociale. Ndeshja do të luhet më 22 mars, në stadiumin Olimpik të Londrës.

26 Janar 2024, 15:23 Nga DOSJA

Spanja kundër Kolumbisë në mars, në stadiumin Olimpik

SPANJE - Me “Euro 2024” në afërsi, kombëtarja e Spanjës planifikon një takim përgatitor për kompeticionin në fjalë në Londër më 22 mars. Do të jetë kundër Kolumbisë, në shtëpinë e West Ham, në stadiumin e Londrës.

Kjo i shtohet edhe ndeshjes kundër Brazilit, për luftën kundër racizmit dhe që do të shërbejë edhe si përgatitje, e cila do të luhet në stadiumin “Santiago Bernabeu” më 26 mars.

Trajneri Luis de la Fuente, duke pritur me padurim të dy duelet, u shpreh: “Bashkimi mes tifozëve dhe ekipit është thelbësor. Ndjenja e mbështetjes nga njerëzit është jetike për ne dhe shpresoj që të jetë kështu. Kjo marrëveshje është një hap përpara për të forcuar këtë bashkim.

Kolumbia është një skuadër e madhe që po bën turne të jashtëzakonshëm dhe ka lojtarë shumë të mirë. Edhe kjo ndeshje, edhe ajo e Brazilit, do të jenë shumë tërheqëse për shikuesit spanjolë”,- tha Luis de la Fuente për ndeshjet përgatitore ndaj dy skuadrave të Amerikës së Jugut.

B.T (Dosja.al)

Sondazh

Poll

MË SHUMË