Sport

Sevilla është në zi… homazh për viktimat

Konfirmohet vdekja e të riut të dytë nga një familje, ku edhe babai dhe vëllai i tij vdiqën në një aksident rrugës për në Madrid, për të ndjekur ndeshjen Atlético-Sevilla.

26 Janar 2024, 12:34 Nga DOSJA

Sevilla është në zi… homazh për viktimat

SPANJE - Trajneri i Sevillas, Quique Sánchez Flores, nuk ka dashur të bëjë asnjë deklaratë pas humbjes ndaj Atléticos, në çerekfinalen e Kupës së Mbretit, të luajtur mbrëmë në “Metropolitano”.

Sipas trajnerit, ndeshja nuk duhej të luhej, pasi tre persona humbën jetën në një aksident trafiku, teksa po udhëtonin drejt kryeqytetit të Spanjës, për të ndjekur një ndeshje.

Dhe mëngjesin e sotëm, u mësua edhe viktima e katërt, e treta brenda të njëjtit automjet familjar, pas vdekjes së babait dhe njërit prej djemve, që kishte me vete për të ndjekur ndeshjen. I dyti nga këta fëmijë, ka humbur jetën në spital. Një tragjedi që ka tronditur të gjithë qytetin e Morón de la Frontera, në Seville.

Ka ndërruar jetë i mituri, i plagosur rëndë në aksidentin e ndodhur këtë të enjte në autostradën A-4, teksa kalonte nëpër komunën Santa Cruz de Mudela (Ciudad Real), ku humbën jetën edhe babai dhe vëllai i tij 17-vjeçar në spitalin ku u transferua. Me vdekjen e këtij të riu 16-vjeçar, në këtë aksident humbën jetën katër persona, babai dhe dy djemtë e tij, të cilët po udhëtonin drejt Madridit për të parë ndeshjen e Sevillas kundër Atlético Madridit për Kupën e Mbretit, dhe një shofer kamioni.

Dy të rinjtë që vdiqën ishin futbollistë nga kategoritë më të ulëta të Unión Deportiva Morón, qytet në të cilin është shpallur zi zyrtare. Një goditje e rëndë që është pritur me trishtim të jashtëzakonshëm brenda tifozëve të Sevillas, pasi udhëtimet me makinë në kryeqytetin e Spanjës janë shumë të zakonshme, si ai në Getafe pak javë më parë me 1.300 andaluzianë në tribuna. Sevilla është në zi…

B.T (Dosja.al)

Sondazh

Poll

MË SHUMË