Sport

Ronaldo hedh "bombën"... nisin debatet: “Këta janë 8 lojtarët më të mëdhenj të të gjitha kohërave, ku jam edhe unë!"...

Ronaldo Fenomeni zgjodhi tetë futbollistët e tij më të mëdhenj të të gjitha kohërave, duke mos harruar veten në listë.

22 Janar 2024, 18:07 Nga DOSJA
Ronaldo hedh "bombën"... nisin debatet: “Këta

SPANJE - Nga kohëra të lashta, krahasimet, mosmarrëveshjet dhe debatet për drejtuesit e topit kanë qenë një nga temat që kanë dominuar diskutimet mes futbolldashësve. 

Të gjithë kishin një sugjerim për “magjistarin” e tyre, atë që i bëri të dashuroheshin marrëzisht me “Perëndeshën” e rrumbullakët.

Por kur legjendat e sportit trajtojnë këtë temë, atëherë pjesa tjetër mbyll gojën dhe përshtatet. I fundit, që iu kërkua t'i përgjigjej pyetjes për futbollistët më të mirë të të gjitha kohërave që kërcenin me topin në këmbë ishte Ronaldo Fenomeni, i cili nuk ngurroi të thoshte publikisht mendimin e tij.

Duke lënë jashtë përbindëshat e shenjtë si Zidane, Maldini, Di Stefano, Cristiano Ronaldo dhe  Michel Platini, legjenda braziliane e shtoi veten në një paketë shtatëshe me një shije të fortë  braziliane.

“Unë mendoj se është një grup shumë i veçantë, ku keni Maradona, Messi, Cruyff, Beckenbauer, Van Basten, Ronaldinho, Pele. Unë do të shtoja edhe veten, por këtë le ta gjykojnë më mirë tifozët. Megjithatë, nuk mund t'i vësh në rregull, nuk mund të krahasosh breza të ndryshëm”, theksoi ai.

Natyrisht, debatet nuk vonuan shumë për të marrë flakë në rrjetet sociale për këndvështrimin e Ronaldos, ku shumë u pajtuan dhe të tjerë folën për lëshime.

B.T (Dosja.al)

Sondazh

Poll

MË SHUMË