Sport

João Félix ka një ‘formulë’ për kritikët: "Gjëja më e mirë është të mos shohësh, të mos dëgjosh dhe të ecësh përpara"...

Ndërkombëtari portugez shënoi një gol të mrekullueshëm ndaj Betisit dhe la mesazhe në fund

22 Janar 2024, 16:54 Nga DOSJA

João Félix ka një ‘formulë’ për

SPANJE - João Félix shënoi një gol të mrekullueshëm kundër Betisit dhe në fund të lojës la një mesazh për kritikët e tij. Ndërkombëtari portugez, i cili është në Barcelonë si huazim nga Atlético Madrid, garanton se kurrë nuk e ka humbur besimin në lojën e tij.

"Jam mësuar që njerëzit të flasin për mua. Pavarësisht nëse luaj apo jo, gjithmonë ka zhurmë, ka gjithmonë dikush me diçka për të thënë, por për mua është e njëjta gjë", siguroi Félix, duke folur për LaLiga TV. "Kam besim te vetja. Gjëja më e mirë është të mos shohësh, të mos dëgjosh dhe të ecësh përpara."

Më pas, ai diskutoi sezonin e Barcelonës. "Ne do të luftojmë për kampionatin deri në fund, për La Ligën, për Kupën dhe për Ligën e Kampionëve. Në çdo moment Real Madridi dhe Girona do të humbasin pikë dhe ne duhet të jemi aty kur kjo të ndodhë."

Félix pranoi se skuadra 'culé' ka aspekte për t'u përmirësuar, veçanërisht në nivelin e mbrojtjes.  “Ndeshje të rëndësishme po vijnë dhe ne duhet të jemi në maksimumin tonë. Në front po bëjmë mirë, shënojmë gola, por të gjithë duhet të përmirësohemi në mbrojtje”,- shpjegoi lojtari, pasi Barça epërsinë 2-0 ndaj Betisit e shpërdoroi duke lejuar një barazim, dhe më pas duke fituar 4-2, me dy gola në kohën shtesë.

B.T (Dosja.al)

Sondazh

Poll

MË SHUMË