Art&Argëtim

Po përballen me probleme shëndetësore, Harry dhe Meghan mesazh për shërim të shpejtë Mbretit Charles dhe Princeshës së Uellsit

Princesha e Uellsit qëndron në një spital privat në Londër prej shtatë ditësh, pas një operacioni abdominal, ndërsa Mbreti Charles është duke u përgatitur për një operacion të prostatës këtë javë.

22 Janar 2024, 17:38 Nga S.B

Po përballen me probleme shëndetësore, Harry dhe Meghan mesazh

meghan markle dhe princ harry

BRITANI- Një burim, sipas raporteve, i ka thënë Mirror: "Mbreti dhe Princesha e Uellsit kanë marrë mbështetje nga Princi Harry dhe Meghan në lidhje me shëndetin e tyre. Duka dhe Dukesha kanë kontaktuar të dyja palët në mënyra të ndryshme për të shprehur urimet e tyre të sinqerta."

Familja Mbretërore e Uellsit po ballafaqohet me një ndarje të vazhdueshme midis William dhe vëllait të tij, ndërkohë që Duka i Sussex Harry ka ngritur pretendime kontroversiale në dokumentarin dhe librin e tij në Netflix në lidhje me Charles, Camilla, William dhe Kate.

Në nëntor, Mbreti dhe Princesha e Uellsit u identifikuan si dy anëtarët më të lartë të familjes mbretërore që raportohet se bënë komente në lidhje me ngjyrën e lëkurës së Princit Archie para lindjes së tij.

Buckingham dhe Kensington Palace kanë refuzuar të komentojnë akuzat.

Kate, 42 vjeç, ka kaluar një operacion abdominal të suksesshëm pasi u shtrua në spitalin privat “The London Clinic” të Martën. Buckingham Palace shpalli lajmin të mërkurën, ndërsa 90 minuta më vonë njoftoi se Mbreti do të trajtohej në spital për një prostatë të zgjeruar.

Supozohet se monarku ka dashur të ndajë detajet e diagnozës së tij për të inkurajuar meshkujt e tjerë që mund të përjetojnë të njejtat simptoma, të kontrollohen në përputhje me këshillat e shëndetit publik.

“Mbreti është jashtë rrezikut për jetën dhe do të shtrohet në spital javën e ardhshme për një procedurë korrigjuese", tha Buckingham Palace javën e kaluar. "Angazhimet publike të Mbretit do të shtyhen për një periudhë të shkurtër rikuperimi."

Ndërkohë, u zbulua të dielën se Sarah, Dukesha e Yorkut, është diagnostikuar me kancer të lëkurës. Sëmundja u zbulua pasi disa nishane u hoqën, kur Dukesha po trajtohej për kancerin e gjirit gjatë verës, tha një zëdhënës i saj.

Një nga nishanet u zbulua se ishte një melanomë malinje, dhe mjekët po punojnë për ta vënë nën kontroll nëse është kapur herët. 64 vjeçarja, e njohur gjerësisht si Fergie, bëhet e ditur se po rikuperohet në shtëpi në prani të familjarëve.

Zëdhënësi i saj tha: "Sigurisht, një diagnozë tjetër kaq shpejt pas trajtimit për kancerin e gjirit ka qenë stresuese, por Dukesha vazhdon të jetë pozitive dhe optimiste.

"Dukesha dëshiron të falënderojë ekipin mjekësor që e ka mbështetur, veçanërisht dermatologun e saj, i cili me vigjilencë siguroi që sëmundja u zbulua kur duhet.

"Ajo beson se përvoja e saj thekson rëndësinë e kontrollimit të madhësisë, formës, ngjyrës dhe teksturës së nishaneve të reja që mund të jenë shenjë e melanomës." Në Qershor, kanceri i gjirit të Dukeshës u zbulua në një fazë të hershme gjatë një mamografie rutinore dhe ajo kreu një mastektomi në Spitalin Mbretëror të King Edward VII në Londër, i cili ka trajtuar familjen mbretërore për dekada.

meghan markle meghan dhe princ harry princ harry