Ndërsa duke komentuar akuzat e bëra ndaj tij nga ana e SPAK, Berisha deklaroi se kjo betejë do ti çojë demokratët drejt fitores.
TIRANË- Kryetari i PD-së, Sali Berisha, teksa ka përmendur çështjen e ‘non grata’, deklaroi se qeveritë më të fuqishme të botës, në dy vite nuk nxorrën asnjë provë kundër tij. Ndërsa duke komentuar akuzat e bëra ndaj tij nga ana e SPAK, Berisha deklaroi se kjo betejë do ti çojë demokratët drejt fitores.
"Të dashur miq, atë ditë që unë kam vendosur të nis foltoret, njerëz të mi të afërt më pyetën: Sali, a je i sigurt që do kesh mbështetje? Përgjigjia ime ishte kjo: Unë kam besim se do kem mbështetje, por edhe sikur dhjetë vetë të vijnë, unë do të shkoj në atë takim dhe do mbroj të vërtetat që do mbroj. Të dashur miq, pra, dy vite më parë u zhvillua një betejë e paparë midis korrupsionit dhe antikorrupsionit të Sali Berishës. Gjithnjë i hapur, gjithnjë i sinqertë, gjithnjë duke deklaruar se një dokument, një fakt, një provë të vetme po gjetën, Sali Berisha largohet nga politika. Por ju e patë, se qeveritë më të fuqishme të botës, në dy vite nuk nxorën dot asnjë fakt, asnjë dokument, asnjë provë.
Kurse unë qëndrova në të vërtetën që besoj, qëndrova në mbrojtjen e interesit të tuaj, në mbrojtjen e interesit të këtij vendi, të cilin e duan shumë miqtë, e duan shumë partnerët, por kurrë më shumë se ju dhe Sali Berisha.
Dje unë fola për Skënderbeun. Vite drite jemi larg prijësit të përjetshëm. Por secili prej nesh ka një copë të shpirtit të tij në shpirtin tonë. Secili nga ne ka një copë të zemrës së tij në zemrën tonë. Secili nga ne ka një grimcë të qëndresës së tij në qëndresën tonë.
Miqtë e mi, pasi humbën betejën me shpalljet non-grata mbi baza të korrupsionit transnacional, pa asnjë provë, fakt apo dokument, Edi Rama kaloi në një praktikë tjetër të shpifjeve dhe trillimeve nga më të ulëtat. Me mediat e tij, me lakejtë e tij, me puthadorët e tij çfarë nuk sajoi, dhe arritën te kulla 64-katëshe e Tiranës. Vetëm sa nuk e emëruan kulla e Sali Berishës. Miqtë e mi, mjeranë kompania e tyre. Sali Berisha në tetë vite në pushtet, nuk pranoi, nuk ndërtoi qoftë dhe një kullë të vetme në kryeqytetin e Shqipërisë. Kështu që kulla u shndërrua në mullarin e turpit të mashtrimeve të tyre. Edi Rama angazhoi Erion Veliajn dhe Lul Bravën për të trilluar në mënyrën më primitive, por dështuan dhe vetëm dështuan," tha Berisha.
Sali Berisha TIRANË-Kryetari i Partisë Demokratike, Sali Berisha duke folur në tubimin qytetar është shprehur se, kjo rrugë s...
Sali Berisha TIRANË- Kryetari i Partisë Demokratike, Sali Berisha duke folur në tubimin qytetar është shprehur se, kjo rrugë ...
Edi Rama BAVARI- Kryeministri Edi Rama ka komentuar marrëveshjen me Italinë për emigracionin gjatë një vizitë në Ba...
Gjykata Kushtetuese TIRANË- Gjykata Kushtetuese ka shtyrë seancën për të gjykuar marrëveshjen me Italinë për e...
Gazment Bardhi TIRANË- Kreu i Grupit Parlamentar të PD-së Gazment Bardhi ka reaguar pas komentit të kryeministrit Edi Rama pë...
Edi Rama TIRANË- Kryeministri Edi Rama ka reaguar pasi Presidenti Bajram Begaj dekretoi ndryshimet për Komisionet Hetimore. Me anë të n...
Bajram Begaj TIRANË- Presidenti i Republikës, Bajram Begaj dekretoi të enjten ligjin e ri për komisionet hetimore, pavarësisht kri...
OSBE TIRANË- Prezenca e OSBE në Shqipëri, ka kërkuar që mbledhja e Komisionit për Reformën Zgjedhore të zhvill...
Foto ilustruese TIRANË-Organizatat e shoqërisë civile dënuan të enjten sjelljen e deputetëve demokratë, Gazmend Ba...
Foto ilustruese TIRANA-Anëtari i Kryesisë së PD-së, Belind Këlliçi ka publikuar listën me provat ku tregohet se si pr...