Bota

Reshjet e borës shkaktojnë anulimin e fluturimeve në Gjermani

Në aeroportin në Frankfurt, që është aeroporti më i madh në Gjermani, mbi 500 fluturime janë anuluar.

17 Janar 2024, 09:53 Nga M.B
Reshjet e borës shkaktojnë anulimin e fluturimeve në Gjermani
Tabela e fluturimeve që shfaq anulimin e fluturimeve në aeroportin në Frankfurt

GJERMANI- Reshjet e dendura të borës dhe to të shiut në mbarë Gjermaninë më 17 janar kanë shkaktuar anulimin e qindra fluturimeve dhe të transportit me trena si dhe mbylljen e shkollave. Në aeroportin në Frankfurt, që është aeroporti më i madh në Gjermani, mbi 500 fluturime janë anuluar. Ndërkaq në Munih mbi 250 fluturime që pritej të ateronin dhe të niseshin po ashtu u anuluan. Aeroporti Saarbruecken në perëndim të Gjermanisë u mbyll, përderisa aeroportet në Dyseldorf dhe Koln, po ashtu janë prekur nga vonesat dhe anulimet e fluturimeve.

Operatori kombëtar i trenave, Deutsche Bahn, ka anuluar disa udhëtime në distancë të gjatë dhe ka njoftuar se maksimumi i shpejtësisë së trenave të tij të shpejt do të kufizohet deri në 200 kilometra në orë për shkak të motit ekstrem. Reshjet e shiut në mbarë Gjermaninë perëndimore dhe jugore po ashtu kanë shkaktuar ngrirjen e rrugëve, gjë që ka rezultuar në shumë aksidente rrugore mëngjesin e së mërkurës. Si masë parandaluese, shumë shkolla dhe çerdhe në vend janë mbyllur, ndërkaq disa kompani u kanë ofruar punonjësve të tyre mundësinë që të punojnë nga shtëpia./ REL

gjermani debora fluturime

Sondazh

Poll

MË SHUMË