Bota

Në prag të rizgjedhjes, Putin: Zgjedhjet e mëparshme në SHBA u manipuluan

Gjithashtu, disa kritikë të Putinit thonë se përdorimi i votimit elektronik krijon hapësirë për autoritetet që të manipulojnë në mënyrë të pazbuluar rezultatin e zgjedhjeve në favor të Putinit.

16 Janar 2024, 22:49 Nga A.TH

Në prag të rizgjedhjes, Putin: Zgjedhjet e mëparshme në SHBA

Vladimir Putin

RUSI- Presidenti rus Vladimir Putin, i cili kandidon për një mandat të ri gjashtëvjeçar në zgjedhje tha sot se zgjedhjet e fundit në SHBA u manipuluan me postë.

"Në SHBA, në zgjedhjet e mëparshme, pati mashtrime me votim me postë. Ata blenë fletëvotim për 10 dollarë, i mbushën dhe i hodhën në kuti postare, pa asnjë mbikëqyrje nga vëzhguesit, dhe kjo ishte e gjitha," tha Putin, pa ofruar prova të pretendimit të tij.

Kundërshtarët e Putin theksojnë se zgjedhjet presidenciale të marsit në Rusi nuk janë zgjedhje të vërteta, pasi presidenti e mban pushtetin pa e sfiduar askush dhe rivali i tij kryesor, Alexei Navalny, po vuan dënimin me më shumë se 30 vjet burg. Gjithashtu, disa kritikë të Putinit thonë se përdorimi i votimit elektronik krijon hapësirë për autoritetet që të manipulojnë në mënyrë të pazbuluar rezultatin e zgjedhjeve në favor të Putinit.

Vlen të theksohet se zëdhënësi i Kremlinit Dmitry Peskov në gusht, sipas New York Times, tha se zgjedhjet presidenciale ruse nuk janë demokraci e vërtetë, por burokraci e kushtueshme dhe se Putini do të rizgjidhet vitin e ardhshëm me më shumë se 90% vota. Peskov më vonë i tha agjencisë ruse të lajmeve TASS se fjalët e tij u interpretuan në një mënyrë krejtësisht të gabuar, duke thënë thjesht se Putin gëzon mbështetje të paprecedentë nga populli rus.

vladimir putin alexei navalny