Bota

Zhduket anija me emigrantë nga Libia, nuk dihet fati i 40 emigrantëve

Alarm Phone lëshoi alarmin SOS të premten për një varkë të vogël druri me 40 emigrantë, por pas katër ditë kërkimesh nuk ka asnjë shenjë të saj. Operacionet e shpëtimit u ndërprenë.

16 Janar 2024, 21:58 Nga A.TH
Zhduket anija me emigrantë nga Libia, nuk dihet fati i 40 emigrantëve
Emigrantet

LIBIA- Një varkë e vogël druri e cila u nis disa ditë më parë nga Libia dhe mbante 40 persona nuk po gjendet. Alarm Phone lëshoi alarmin SOS të premten dhe rezultati i kërkimeve nga Frontex dhe rojet bregdetare italiane nuk dihen.

Sergio Scandura i Radio Radicale, i cili monitoron vazhdimisht lëvizjet në atë zonë detare, raportoi për kërkime të gjera dhe ende asnjë rezultat. Ajo që u raportua pasditen e së premtes tani duket gjithnjë e më shumë si një “anije e mbytur fantazmë” dhe pas katër ditësh kërkimesh në fakt u vendos që të ndërpriteshin operacionet e kryera deri më sot.

Ndërkohë, deputeti Marco Grimaldi i grupit Alleanza Verdi Sinistra, iu drejtua Ministrisë së Brendshme dhe Ministrisë së Infrastrukturës, në të cilën kërkon llogari pse dështuan në dhënien e ndihmës nga Komanda e autoriteteve portuale (MRCC) të Romës në mbytjen e anijes së 14 dhjetorit në ujërat ndërkombëtare në brigjet e Libisë ku vdiqën 61 persona dhe vetëm 25 të tjerë mbijetuan

sergio scandura marco grimaldi

Sondazh

Poll

MË SHUMË