Bota

Ish-zëvendëspresidentja e PE e akuzuar për korrupsion: Unë do ta tregoj pafajësinë time

Kalini thotë se në këtë hetim ka pasur shkelje të qarta të ligjit evropian, prezumimi i pafajësisë dhe paanshmëria e magjistratëve mungon plotësisht.

16 Janar 2024, 09:22 Nga M.B

 

Ish-zëvendëspresidentja e PE e akuzuar për korrupsion: Unë
Eva Kaili

 

BRUKSEL- Ish-zëvendëspresidentja e Parlamentit Europian, Eva Kaili e cila është e përfshirë në hetimin e çështjes "Qatargate" ka dhënë një intervistë për Quarta Repubblica në Itali. Kalini thotë se në këtë hetim ka pasur shkelje të qarta të ligjit evropian, prezumimi i pafajësisë dhe paanshmëria e magjistratëve mungon plotësisht.

"Unë besoj se në këtë hetim ka pasur shkelje të qarta të ligjit evropian, prezumimi i pafajësisë dhe paanshmëria e magjistratëve mungon plotësisht: lidhjet e gjyqtarëve me masonerinë, konfliktet e interesit janë shfaqur, nuk ka pasur garanci që ekzistojnë në Italia”, thotë Kaili.

“Këtu ka pasur dhe ka vetëm prezumimin e fajit, unë do të tregoj pafajësinë time dhe do të dalë se nuk ka asnjë provë për akuzat ndaj meje”, shtoi ajo. 

E akuzuar nga prokuroria e Brukselit se ishte në qendër të një rrjeti të dyshuar korrupsioni brenda Parlamentit Evropian të menaxhuar nga ish-deputeti i penduar Pier Antonio Panzeri, eurodeputetja greke kaloi gjashtë muaj në paraburgim parandalues ​​midis burgut dhe arrestit shtëpiak përpara se të lirohej me kusht.

“Për të më bërë presion, në ditët e para më thanë se vajza ime do të besohej në shërbime sociale, e gjithë kjo për të më bërë të rrëfeja diçka që nuk e kam kryer. Është e papranueshme që shkelje të tilla të të drejtave të ndodhin në zemër të Evropës. Kam kërkuar që të dëgjohem në Parlamentin Evropian, por kjo ende nuk ka ndodhur dhe mendoj se është e drejtë që para zgjedhjeve evropiane qytetarët ta dinë se çfarë ka ndodhur”, tha ajo.

eva kaili parlamenti europian hetime

Sondazh

Poll

Bota 16 Janar 2024, 08:50 M.B

Irani kryen sulme në Irak dhe Siri

Fotografi e nxjerrë nga një video e Rudaw TV që shfaq tymin duke dal nga një ndërtesë e goditur në Irbil të Irakut m&e...

MË SHUMË