Politike

Takimi i qeverisë në Shëngjin/ Në kërkim të numrave për ligjet me 84 vota, objektivat që Rama u vendosi socialistëve

Në kushtet kur opozita është në betejë për të bllokuar seancat, PS ka orientuar drejtuesit e grupit që të përpiqen të gjejnë fraksione të opozitës ku mund të ketë vend për bashkëpunim.

9 Janar 2024, 20:33 Nga r.ll
Takimi i qeverisë në Shëngjin/ Në kërkim të
edi rama

LEZHË- Kryeministri Edi Rama ka mbledhur ditën e sotme qeverinë në Shëngjin, në një takim informal që do të zgjasë edhe ditën e nesërme. Gazetarët nuk janë lejuar të jenë të pranishëm në resortin privat ku po zhvillohet takimi.

News24 mëson se një ndër çështjet e diskutuara dhe objektivat që kryeministri Rama vendosi për të pranishmët është gjetja e rrugës së bashkëpunimit me individët apo grupet parlamentare në parlament, për ligjet që duan shumicë të cilësuar.

Bashkë me PSD-në, socialistët nuk mund t’i arrijnë 84 vota për të bërë dhe ndryshime kushtetuese, si në rastin e miratimit të amnistisë për të dënuarit që dështoi fundvitin e shkuar. Në kushtet kur opozita është në betejë për të bllokuar seancat, PS ka orientuar drejtuesit e grupit që të përpiqen të gjejnë fraksione të opozitës ku mund të ketë vend për bashkëpunim.

Ndërkaq, edhe pse duhet më shumë se një vit nga zgjedhjet e radhës, kryeministri Rama ka vënë para përgjegjësisë të tijët, duke kërkuar llogari për aktivitetin që kanë pasur, duke nisur nga parlamenti, te strukturat e partisë dhe elektorati. Ndër të tjera, socialistët kanë marrë orientime për aktivitetin e tyre në Parlament, në kushtet e bllokimit nga ana e opozitës.

Katër blloqe të ndara sipas temave, inovacioni, shërbimet, administrata publike dhe projekti pilot i regjistrimit të tokës, kanë qenë 4 temat në qendër të prezantimit deri në mbrëmjen e sotme, ndërkohë që kryeministri ka paralajmëruar se do të caktojë objektiva të reja për socialistët.

mbledhja e qeverisë në shengjin

Sondazh

Poll

MË SHUMË