Bota

Ministri serb i 'lumtur' për heqjen e vizave për Kosovën: 500 mijë shqiptarë do të largohen përgjithmonë drejt BE-së

Vučević u shpreh se heqja e vizave për Kosovën nga BE-ja do të rezultojë njësoj si strategjia 1830-1876 (e migrimit të detyruar të shqiptarëve) nga princi i atëhershëm i Serbisë, Millosh Obrenović.

7 Janar 2024, 20:37 Nga a.l
Ministri serb i 'lumtur' për heqjen e vizave për
Milos Vuçeviç

SERBI- Ministri i Mbrojtjes i Serbisë Miloš Vučević, u shpreh se deri në 500 mijë shqiptarë do të largohen nga Kosova dhe do të vendosen përgjithmonë në Bashkimin Evropian pas heqjes së vizave për zonën Shengen. Sipas tij, për këtë arsye popullata serbe nuk ka “pse të mërzitet” për heqjen e vizave për Kosovën.

Vučević u shpreh se heqja e vizave për Kosovën nga BE-ja do të rezultojë njësoj si strategjia 1830-1876 (e migrimit të detyruar të shqiptarëve) nga princi i atëhershëm i Serbisë, Millosh Obrenović.

Në të njëjtin kontekst ai mbrojti edhe vendimin e muajit të kaluar të qeverisë serbe për lejimin e automjeteve me targa të Kosovës të qarkullojnë nëpër Serbi lirshëm.

“Pse jemi të mërzitur? Lërini shqiptarët të ikin. 500,000 njerëz do të shkojnë atje, në Europë. Le të tregohemi të mençur politikisht, na duhet pak politika e Millosh Obrenovićit, vetëm pak durim. Populli ynë duhet të piqet politikisht, për të kuptuar historikisht disa rrethana”, tha Vuçević për median serbe Vojvodina RTV .

milos vucevic

Sondazh

Poll

MË SHUMË