Bota

Milei tërheq Argjentinën nga anëtarësimi në Brics

Ai shtoi se megjithëse nuk e konsideronte të përshtatshme që Argjentina të bëhej një anëtare e plotë e Brics, ai është ende i përkushtuar për forcimin e lidhjeve dypalëshe.

29 Dhjetor 2023, 21:40 Nga A.TH
Milei tërheq Argjentinën nga anëtarësimi në Brics
Javier Milei

ARGJENTINË- Presidenti i ri i Argjentinës, Javier Milei, vendosi tërheqjen e vendit e planifikuar për tu bërë pjesë e Brics. Në një letër drejtuar liderëve të Brazilit, Rusisë, Indisë, Kinës dhe Afrikës së Jugut, Milei tha se vendimet e marra nga qeveria e mëparshme ishin rishikuar. Vendet e Brics shihen shpesh si një kundërpeshë ndaj asaj pjesë të botës të udhëhequr nga perëndimi. Argjentina ishte në mesin e procedurës të një kësti të ri prej gjashtë vendeve të gatshme për t'u bashkuar me grupimin muajin e ardhshëm.

Ajo do të ishte pranuar në klubin Brics më 1 janar, së bashku me Egjiptin, Iranin, Etiopinë, Arabinë Saudite dhe Emiratet e Bashkuara Arabe. Ndryshimi i mendimit të tij vjen pasi Milei, i krahut të djathtë populist, fitoi papritur zgjedhjet në nëntor me premtime radikale për të riparuar ekonominë e sëmurë të kombit të Amerikës së Jugut.
Ai pasoi peronistin e krahut të majtë Alberto Fernandez, pikëpamjet e të cilit ishin më të lidhura me ato të anëtarëve ekzistues të bllokut.

Milei tha në letrën e tij se politika e jashtme e qeverisë së tij ndryshon në shumë mënyra nga ajo e qeverisë së mëparshme. Ai shtoi se megjithëse nuk e konsideronte të përshtatshme që Argjentina të bëhej një anëtare e plotë e Brics, ai është ende i përkushtuar për forcimin e lidhjeve dypalëshe. Qëndrimet e ndryshme të Argjentinës nxjerrin në pah delikatesën e pozicionit të saj ekonomik dhe politik, teksa ajo përpiqet të ndryshojë keqmenaxhimin ekonomik prej dekadash.

javier milei alberto fernandez

Sondazh

Poll

MË SHUMË