Sport

Griezmann: “Atlético do të jetë pothuajse 100% klubi im i fundit në Europë”...

Në një intervistë për “AS”, Antoine Griezmann foli për të ardhmen dhe dëshirat e tij me Atlético Madrid.

27 Dhjetor 2023, 20:30 Nga DOSJA

Griezmann: “Atlético do të jetë pothuajse 100% klubi im i

SPANJE - Në një intervistë dhënë për “AS”, paralelisht me titullin e lojtarit më të mirë të sezonit 2022-2023 të La Ligës, të dhënë nga e njëjta gazetë, Antoine Griezmann parashtroi dëshirat e tij për sezonet në vijim. Kështu, sulmuesi francez, i cili është kthyer në një mesfushor të frikshëm, e sheh veten duke i dhënë fund karrierës evropiane me bardhekuqtë.

“Po, kjo është ajo që thashë. E di që klubi është në favor që unë të bëj një përpjekje dhe ne do të flasim për këtë. Përtej Evropës, ajo që do të doja më vonë është MLS (kampionati amerikan), këtë e kam pranuar gjithmonë”,- pranoi francezi. “Por Atlético do të jetë pothuajse 100% klubi im i fundit në Evropë. Në çdo rast, aty dua të jem, ku jam më i lumtur. Këtu jam në shtëpi”. 

Kjo dëshirë dëgjohet teksa ish-lojtari i Real Sociedad (2009-2014) përfundoi vitin kalendarik 2023 si golashënuesi më i mirë (21 gola) dhe pasuesi më i mirë (16) në La Liga. Në vitin 2023, 32-vjeçari u bë edhe golashënuesi më i mirë në historinë e bardhekuqve, duke barazuar mesfushorin sulmues Luis Aragonés me 173 gola të shënuar.

Përveç kësaj, ai tha se donte të fitonte një titull me Atlético Madrid, përpara se të largohej përgjithmonë nga fanela bardhekuq. Si kujtim, nëse Antoine Griezmann fitoi Kupën e Mbretit me FC Barcelona në 2021, Superkupën e Spanjës në 2014 me Atléticon dhe ishte kampion i Kategorisë së Dytë me Real Sociedad në 2010, ai kurrë nuk e ka fituar La Ligën me asnjë nga klubet që luajti. Dy titujt e fundit të kampionatit spanjol për klubin nga kryeqyteti spanjoll i ka fituar në 2013-2014, pak para ardhjes së tij dhe në 2020-2021, gjatë kohës së tij në FC Barcelona.

Në nivel evropian, ai u dallua me një titull të Ligës së Evropës në 2017-2018, e ndjekur nga një Superkupë Evropiane në verën e 2018. Ai ishte gjithashtu finalisti fatkeq i Champions League 2015 -2016, ku humbi një penallti në periudha e dytë. Me “Blutë”, ai është padyshim kampion bote në vitin 2018 dhe fitues i Ligës së Kombeve 2021, përveçse është finalist në Botërorin 2022 dhe Euro 2016, ku përfundoi golashënuesi më i mirë me 6 gola.

B.T (Dosja.al)

Sondazh

Poll

Sport 27 Dhjetor 2023, 19:12

ZYRTARE/ Juve-Bremer deri në 2028!

ITALI – Kishte disa kohë që diskutohej, por tani është zyrtare: Gleison Bremer ka nënshkruar një rinovim me Juventusin ...

MË SHUMË