Bota

Si po i luftojnë Shtetet e Bashkuara sulmet e Houthit në Detin e Kuq

Marina amerikane nuk ka thënë saktësisht se çfarë armësh po përdorin anijet e saj kundër sulmeve Houthi, por analistët mendojnë se një luftanije amerikane ka në dispozicion një sërë sistemesh armësh.

27 Dhjetor 2023, 18:20 Nga A.TH

Si po i luftojnë Shtetet e Bashkuara sulmet e Houthit në Detin e Kuq

Yahya Sare’e

SHBA- Luftanijet amerikane në Detin e Kuq janë përballur me rritjen e sulmeve nga grupi Houthi në Jemen gjatë javëve të fundit. 17 dronë dhe raketa janë hedhur përgjatë 10 orëve vetëm ditën e djeshme. Yahya Sare'e, një zëdhënës i forcave Houthi, tha në X, se sulmet e fundit ishin në mbështetje dhe solidaritet të vazhdueshëm me popullin palestinez. Grupi kishte thënë më parë se kishte në shënjestër anijet e drejtuara për në Izrael pas pushtimit të Gazës nga forcat izraelite.

“Houthi, të mbështetur nga Irani kryen të paktën 100 sulme kundër 14 anijeve të ndryshme tregtare në Detin e Kuq gjatë muajit të kaluar”, tha një zyrtar i lartë ushtarak amerikan javën e kaluar.

Sulmet e shtynë Sekretarin e Mbrojtjes të SHBA-së, Lloyd Austin, të njoftojë formimin e një koalicioni prej të paktën 10 vendesh për t'u fokusuar në sigurinë në Detin e Kuq. Koalicioni përfshin anijet anëtare të disponueshme pranë Detit të Kuq për t'iu përgjigjur sulmeve. Qëllimi i nismës ishte të pengonte sulmet e ardhshme të Houthit, por militantët megjithatë kanë vazhduar të sulmojnë anijet që operojnë pranë Jemenit. Deti i Kuq është shtëpia e një prej rrugëve më të rëndësishme të tregtisë detare në botë dhe sulmet kanë pasur jehonë të gjerë. Të paktën 44 vende janë të lidhura me anijet e sulmuara nga Houthi dhe sulmet kanë ndërprerë tregtinë më të gjerë ndërkombëtare.

“17 dronët dhe raketat e lëshuara nga Houthis të martën u rrëzuan me armë të bartura nga shkatërruesi i raketave të drejtuara USS Laboon dhe nga avionët luftarakë F/A-18 që fluturonin nga aeroplanmbajtësja USS Eisenhower, tha Komanda Qendrore e SHBA”.

houthi yahya sare'e