Bota

Ngrin Pekini, regjistrohen temperaturat më të ulëta që 70 vitet e fundit

I ftohti ka prekur provincat në të gjithë Kinën, dhe shkollat në disa zona janë detyruar të mbyllen, ndërsa shërbimet e transportit përballen me vështirësi.

25 Dhjetor 2023, 20:37 Nga A.TH
Ngrin Pekini, regjistrohen temperaturat më të ulëta që 70
Foto Ilustruese

KINË- Kryeqyteti kinez, Pekini, ka përjetuar dhjetorin e tij më të ftohtë që nga fillimi i regjistrimeve në vitin 1951. Temperaturat në qytet kanë rënë shpesh nën -10C këtë muaj. Ka qenë një vit ekstremesh në kryeqytet: gjashtë muaj më parë, Pekini regjistroi ditën e tij më të nxehtë të qershorit, me pak më shumë se 40 gradë Celsius.

Një observator i motit në Pekin kohët e fundit regjistroi më shumë se 300 orë temperatura nën zero në më pak se dy javë. I ftohti ka prekur provincat në të gjithë Kinën, dhe shkollat në disa zona janë detyruar të mbyllen, ndërsa shërbimet e transportit përballen me vështirësi. Moti i ftohtë i vazhdueshëm ka vështirësuar furnizimet me energji në provincën Henan. Kryeqyteti kinez i është dashur të përballet edhe me reshjet e bores.

Ndërkohë, pjesë të Japonisë veriore kanë parë reshje të mëdha dëbore , shumë më tepër se sasia e zakonshme për këtë periudhë të vitit. Ka pasur një luhatje ekstreme të temperaturave në Korenë e Jugut javët e fundit, duke filluar nga 16C në nën -12C, sipas Administratës Koreane Meteorologjike (KMA). Nuk është e qartë se si njerëzit po përballen me motin ekstrem në Korenë e Veriut fqinje. Një arsye e mundshme e dhënë për goditjen e ftohtë është një dobësim në Vorbullën Polare, një hapësirë ajri i ftohtë që normalisht qëndron rreth Arktikut, duke lejuar që ajri të lëvizë më në jug se normalja. Megjithatë, ka debat midis shkencëtarëve se çfarë roli luan ndryshimi i klimës në këtë.

pekini kma

Sondazh

Poll

MË SHUMË