Sport

"Futbollistët me të vërtetë fitojnë shumë para, por nuk 'flenë' në një shtrat me lule"

“Ndonjëherë ne luajmë një lojë të keqe dhe poshtërohemi e fyehemi nga 50.000 njerëz. Bëhesh një kukull për t’u poshtëruar në rrjetet sociale"

25 Dhjetor 2023, 13:00 Nga DOSJA

"Futbollistët me të vërtetë fitojnë shumë

ANGLI - Jack Grealish foli hapur për karrierën dhe kohën e tij në Manchester City, i cili e nënshkroi nga Aston Villa, në verën e vitit 2021, për gati 120 milionë euro.

Ndërkombëtari anglez njihet për bollëkun e tij në festime, por garanton se bota ku jetojnë futbollistët nuk përbëhet vetëm nga pika kulmore.

“Jam me fat që kam këtë jetë, të cilën e kam ëndërruar gjithmonë. Por, dhe mos më keqkuptoni, jo gjithçka është e lehtë. Ndonjëherë jeta e një futbollisti është shumë, shumë e ndërlikuar. Fitojmë shumë para, por jo gjithçka është rozë, ka ditë të vështira, si në çdo profesion tjetër.

Ndonjëherë ne luajmë një lojë të keqe dhe poshtërohemi e fyehemi nga 50.000 njerëz. Bëhesh një kukull për t’u poshtëruar në rrjetet sociale. Vetëm pak ditë më parë pashë një dokumentar të Robbie Williams dhe u identifikova me të.

Me gjithë paratë që fitoi, ai kaloi shumë vështirësi. Njerëzit nuk e kanë idenë se çfarë po ndodh në shtëpi”,- tha numri 10 i Cityt, i cili foli edhe për përshtatjen me kërkesat e Pep Guardiolës për tre herë kampionin e Anglisë.

“Të kesh Pep Guardiolën si trajner është fantastike, por nuk është e lehtë, siç mund ta imagjinoni. Në sezonin e parë pata vështirësi në përshtatje, por është mirë të stërvitesh prej tij”,- ka treguar ai.

B.T (Dosja.al)