Bota

Përvetësoi 40 milionë dollarë për blerjen e predhave/ Ukraina arreston zyrtarin e lartë të Ministrisë së Mbrojtjes

SBU thotë se ka gjetur dokumente që konfirmojnë aktivitetin e paligjshëm. Zyrtari përballet me 15 vjet burg nëse shpallet fajtor.

23 Dhjetor 2023, 21:33 Nga A.TH
Përvetësoi 40 milionë dollarë për blerjen e predhave/
Foto Ilustruese

UKRAINË- Një zyrtar i lartë i Ministrisë së Mbrojtjes të Ukrainës u arrestua me akuzën se ka përvetësuar 40 milionë dollarë në lidhje me një kontratë predhash artilerie, sipas Shërbimit të Sigurimit të Ukrainës (SBU). SBU thotë se zyrtari nënshkroi një marrëveshje me një kompani të veçantë eksporti për të blerë me shumicë predhash artilerie në dhjetor të vitit të kaluar.

Megjithatë, një kontratë më e favorshme për furnizim u nënshkrua më vonë me të njëjtin prodhues, një kontratë që nuk përfshinte ndërmjetës. SBU deklaroi se kjo shkurtoi ndjeshëm kohën e dorëzimit dhe uli koston e produkteve. Sipas SBU, zyrtari i mbrojtjes zgjati kontratën origjinale, më të shtrenjtë dhe fondet prej 40 milionë dollarë u transferuan në llogaritë e një firme të huaj ndërmjetëse të lidhur.

SBU thotë se ka gjetur dokumente që konfirmojnë aktivitetin e paligjshëm. Zyrtari përballet me 15 vjet burg nëse shpallet fajtor. Ministria e Mbrojtjes e Ukrainës tha se po merrte masa për të rikuperuar fondet. Në shtator, presidenti ukrainas Volodymyr Zelensky shkarkoi ministrin e tij të Mbrojtjes, Oleksii Reznikov, duke përmendur nevojën për qasje të reja mes një numri skandalesh korrupsioni që përfshijnë Ministrinë e Mbrojtjes të Ukrainës.

sbu lufta ukraine-rusi oleksii reznikov

Sondazh

Poll

MË SHUMË