Bota

Pasojat e luftës në Lindjen e Mesme, Banka Botërore parashikon recension për ekonominë në Liban

Para shpërthimit të luftës, BB parashikoi se ekonomia e Libanit do të rritej në vitin 2023, me 0.2%, për herë të parë që nga viti 2018, e nxitur kryesisht nga remitancat dhe turizmi.

21 Dhjetor 2023, 22:05 Nga A.TH
Pasojat e luftës në Lindjen e Mesme, Banka Botërore parashikon
Banka Botërore

SHBA- Banka Botërorë parashikon rënie në recension të ekonomisë në Liban për shkak të luftës Izrael-Hamas. Para shpërthimit të luftës, Banka Botërore kishte parashikuar se ekonomia e Libanit do të rritej në vitin 2023, me 0.2%, për herë të parë që nga viti 2018, e nxitur kryesisht nga remitancat e dërguara nga libanezët që punojnë jashtë vendit dhe turizmi. Megjithatë, që nga fillimi i luftës në Gaza, ka pasur përleshje pothuajse të përditshme midis grupit militant libanez Hezbollah dhe forcave izraelite përgjatë kufirit Liban-Izrael, me frikën e një përshkallëzimi në një luftë të gjerë. Tensionet vendosën një pengesë të madhe për të udhëtuar në Liban.

Të dhënat e analizuara nga Banka Botërore në raportin e monitorit ekonomik tregojnë se përqindja e fluturimeve të planifikuara për në Liban ra nga 98.8% në 7 tetor në 63.3% më 4 nëntor. Megjithatë, Banka Botërore parashikoi që në vend të rritjes së lehtë në vitin 2023, PBB-ja e Libanit do të tkurret me -0.6% në -0.9%. Parashikimet bazohen në supozimin se konflikti kufitar do të vazhdojë në nivelin aktual pa ndonjë përshkallëzim të madh deri në fund të vitit.

“Mbështetja e Libanit në turizmin dhe hyrjet e remitancave nuk është as një strategji ekonomike e qëndrueshme dhe as një plan për zgjidhjen e krizës ekonomike,” vuri në dukje raporti raporti i Bankës Botërore.

Libani pësoi një krizë të zgjatur ekonomike në vitin 2019, me një inflacionin treshifror dhe monedhën vendase në kolaps. Lira, e cila ishte e lidhur me 1,500 për dollar për një çerek shekulli, tani shkon për rreth 90,000 në tregun e zi.

banka botërore

Sondazh

Poll

MË SHUMË