Sport

Nuno Espirito Santo rikthehet në Premier League, është trajneri i ri i Nottingham...

Klubi anglez Nottingham Forest njoftoi mëngjesin e kësaj të mërkure emërimin e Nuno Espirito Santo si trajner të ekipit.

20 Dhjetor 2023, 13:52 Nga DOSJA

Nuno Espirito Santo rikthehet në Premier League, është trajneri i

ANGLI - Në kërkim të zëvendësuesit të Steve Cooper, i shkarkuar nga detyra të martën, Nottingham Forest nuk vonoi. E 17-ta aktuale në Premier League ka zyrtarizuar ardhjen e trajnerit Nuno Espirito Santo.

49-vjeçari portugez nënshkroi një kontratë dyvjeçare e gjysmë, deri në qershor të vitit 2026. Ai do të drejtojë seancën e parë stërvitore mëngjesin e kësaj të mërkure, si dhe ndeshjen e parë të shtunën, kundër Bournemouth (16 orë), njoftoi klubi në një deklaratë zyrtare për shtyp.

Nuno Espirito Santo ishte i lirë që prej largimit të tij nëntorin e kaluar nga Al-Ittihad (37 fitore, 9 barazime dhe 7 humbje). Trajneri portugez e njeh mirë Premier Ligën, pasi ka trajnuar tashmë Wolverhampton midis korrikut 2017 dhe qershor 2021 (96 fitore, 46 barazime dhe 57 humbje) dhe Tottenham midis korrikut dhe nëntorit 2021 (9 fitore, 1 barazim dhe 7 humbje).

Santos merr drejtimin e skuadrës së Nottingham Forest që nuk ka fituar që nga 5 nëntori (kundër Aston Villas, 2-0). Brenda skuadrës së tij, ai do të gjejë veçanërisht mbrojtësin e Fildishtë Willy Boly, të cilin ai e stërviti me Wolves.

B.T (Dosja.al)

Sondazh

Poll

MË SHUMË