Bota

Izraeli do të konkurrojë në Eurovizion pavarësisht kërcënimeve për bojkot

Artistët nga Islanda kishin bërë thirrje për një bojkot të konkursit në Malmo, Suedi, nëse Izraeli nuk ndalohej të merrte pjesë, pas pushtimit tokësor të Gazës.

19 Dhjetor 2023, 22:55 Nga A.TH
Izraeli do të konkurrojë në Eurovizion pavarësisht
Eurovizion

IZRAEL- Izraeli do të jetë pjesmarrës në Eurosong edhe pse ka zëra kundër prezencës së tij në këtë event muzikor. Bashkimi Evropian i Transmetuesve tha se organizatat e tij anëtare miratuan pjesëmarrjen e Izraelit në konkurs dhe se ai mbetet në linjë me organizatat e tjera të konkurrencës në qëndrimin e tij. Izraeli do të konkurrojë në Eurovizion vitin e ardhshëm, pavarësisht thirrjeve që vendi të ndalohet për shkak të konfliktit me Hamasin.

Artistët nga Islanda kishin bërë thirrje për një bojkot të konkursit në Malmo, Suedi, nëse Izraeli nuk ndalohej të merrte pjesë, pas pushtimit tokësor të Gazës. Transmetuesi irlandez RTE ka pasur gjithashtu një peticion të nënshkruar nga më shumë se 500 njerëz që parashtronin kërkesa të ngjashme. Megjithatë, organizatorët e Eurovizionit, Unioni Evropian i Transmetuesve (EBU), i thanë Sky News se Izraeli do të merrte pjesë, duke thënë se pjesëmarrja e vendit u konfirmua nga bordi ekzekutiv.

“Eurovision Song Contest është një konkurs për transmetuesit e shërbimit publik nga e gjithë Evropa dhe Lindja e Mesme. Është një konkurs për transmetuesit, jo qeveritë dhe transmetuesi publik izraelit ka marrë pjesë në konkurs për 50 vjet.", thuhet në reaagimin e tyre.

EBU është një organizatë e udhëhequr nga anëtarët, e kryesuar nga një bord ekzekutiv dhe ata ranë dakord që KAN i Izraelit përmbush të gjitha rregullat e konkurrencës dhe mund të marrë pjesë në konkurs vitin e ardhshëm.

eurovizion

Sondazh

Poll

MË SHUMË