Aktualitet

Vrasja në burgun e Peqinit, Gjykata lë në burg Sokol Mjacajn dhe 11 zyrtarë, 1 detyrim paraqitje

Në seancën mbajtur ditën e sotme, Gjykata ka dhënë masën e sigurisë arrest me burg për Mjacajn, i cili vrau një të burgosur dhe plagosi një tjetër në burgun e Peqinit. 

19 Dhjetor 2023, 16:05 Nga I.A
Vrasja në burgun e Peqinit, Gjykata lë në burg Sokol Mjacajn dhe
Gjykata e Elbasanit

ELBASAN- Gjykata e Elbasanit ka marrë vendimin për masën e sigurisë ndaj Sokol Mjacajt dhe 12 zurtarëve të burgut të Peqinit. Në seancën mbajtur ditën e sotme, Gjykata ka dhënë masën e sigurisë arrest me burg për Mjacajn, i cili vrau një të burgosur dhe plagosi një tjetër në burgun e Peqinit. Po ashtu të njejtën masë sigurie është vendosur për drejtorin e burgut te Peqinit dhe 10 zyrtarët e tjerë. Ndërkohë që një zyrtar, është lënë në masën e sigurisë detyrim paraqitje. 

Sokol Mjacaj, një i dënuar me burg përjetë qëlloi për vdekje një të burgosur, Arben Lleshin dhe plagosi Indrit Shaqjan. Të arrestuar për ngjarjen në fjalë janë drejtori i burgut të Peqinit, Kamber Hoxha, i emëruar në këtë detyrë në Nëntor të këtij viti si edhe Qani Muça, shefi i regjimit të godinës “41 biss”, Nikolin Gjonpalaj, ish-shefi i policisë së burgut të Peqinit, Vilson Shima, shef i regjimit të godinës B, Arben Dulellari, Specialist informacioni, salla operative IEVP Peqin, Fatos Pire, polic shërbimi, përgjegjës sektori kati i parë, godina B, Ilir Balla, punonjës shërbimi godina B, Florenc Mile, polic shërbimi tek godina B, Genci Muça, shërbim në kollonë, godina B, Indrit Dubali, punonjës roli bazë, godina B , Klement Haka, punonjës i rolit bazë, godina B dhe Erjon Çela, polic shërbimi, godina B në IEDP, Peqin.

Në një nga qelitë e këtij burgu mesditën e të premtes Sokol Mjaçaj, i cili vuan dënimin me burgim të përjetshëm në IEVP Peqin, qëlloi me armë zjarri ndaj të dënuarve me burgim të përjetshëm Indrit Shaqja dhe Arben Lleshi. Ky i fundit nuk mundi t’i mbijetojë plagëve të marra, ndërsa Shaqja mbeti i plagosur dhe aktualisht është jashtë rrezikut për jetën. Autori i këtij krimi të pazakontë dhe nga më të rëndët në historinë e këtij institucioni është i dënuar për vrasjen e dy të turistëve çekë në Dukagjin në vitin 2015. Mjacaj qëlloi 5 herë me pistoletë nga dritarja e qelisë ku ndodhej objektivi i tij. Dy plumba i kanë shkaktuar vdekjen Lleshit, një plumb ka plagosur Indrit Shaqen./Dosja.al

sokol mjacaj

Sondazh

Poll

MË SHUMË