Aktualitet

'Arben Lleshi dil'/ Si ndodhi vrasja në qeli, Sokol Mjacaj dorëzoi armën pas negociatave

Shkaku kryesor i vrasjes së Arben Lleshit nga Sokol Mjacaj është pagesa që ky i fundit ka marrë.

15 Dhjetor 2023, 18:38 Nga I.A
'Arben Lleshi dil'/ Si ndodhi vrasja në qeli, Sokol Mjacaj
Sokol Mjacaj

PEQIN- Detaje të reja kanë dalë nga ngjarja e rëndë ditën e sotme në burgun e Peqinit. Shkaku kryesor i vrasjes së Arben Lleshit nga Sokol Mjacaj është pagesa që ky i fundit ka marrë.

Dyshohet se Mjacaj e kishte planifikuar deri në detaje këtë ngjarje, duke qenë se dhe armën thuhet se ja kanë futur me dron brenda. Në momentin që e ka vrarë, Mjacaj e ka thirrur në emër, duke i kërkuar që të dali nga aty.

"Arben Lleshi dil", ka qenë thirrja që Mjacaj i ka bërë viktimës në momentin që e ka qëlluar me 3 plumba, nga të cilët një kapi Indrit Shaqjan. Pas vrasjes, ai ka marrë peng disa pjestarë të stafit të kuzhinës, por i ka lënë të lirë, pas negociatave që ka bërë me drejtorin e Burgut në Peqin. Ai ka kërkuar nga drejtori i burgut që jeta e tij të sigurohet.

Sokol Mjaçaj, i cili vuan dënimin me burgim të përjetshëm në burgun e sigurisë së lartë IEVP “Peqin”, ka qëlluar me armë zjarri ndaj të burgosurve Indrit Shaqja dhe Arben Lleshi këtë të premte. Mjaçaj është konfliktuar me dy të dënuar të tjerë, Arben Lleshin dhe Indrit Shaqjen. Lleshi nuk mundi t’i mbijetojë plagëve të marra, ndërsa Shaqja është jashtë rrezikut për jetën. Ndërkohë, i dënuari për vrasjen e dy të turistëve çekë mbajti peng nën kërcënimin e armës punonjësit e kuzhinës në institucionin e heqjes së lirisë, të cilët u liruan pas disa orësh me ndërhyrjen e forcave të shumta policore dhe Renea, që kanë vënë nën kontroll situatën.

sokol mjacaj arben lleshi

Sondazh

Poll

MË SHUMË