Sport

Shorti i raundit të 16-të në Champions League: kur është, skuadrat, vazot dhe kushtet...

Të hënën e ardhshme, më 18 dhjetor do të njihen çiftet, që do të vazhdojnë për fazën e 16-të me eliminim të Champions League.

14 Dhjetor 2023, 07:30 Nga DOSJA

Shorti i raundit të 16-të në Champions League: kur

ZVICER - Me përfundimin e ditës së fundit të fazës së ndeshjeve në grupe të Champions League, ishin PSG dhe Porto ato të fundit, që kaluan duke vërtetuar klasifikimin e tyre për shortin e së hënës së ardhshme.

Ja skuadrat e klasifikuara për fazën e 16-të të Champions League:

Manchester City (Angli)

Arsenal (Angli)

Real Madrid (Spanjë)

Real Sociedad (Spanjë)

Barcelona (Spanjë)

Atlético Madrid (Spanjë)

Bayern Munich (Gjermani)

RB Leipzig (Gjermani)

Borussia Dortmund (Gjermani)

PSV Eindhoven (Holandë)

Inter (Itali)

Lazio (Itali)

Napoli (Itali)

Copenhagen (Danimarkë)

PSG (Francë)

Porto (Portugali)

Ja dhe si do të ndahen skuadrat në vazot për shortin e fazës së 16-të të Champions League:

Vazo 1: Bayern, Arsenal, Real Madrid, Real Sociedad, Manchester City, Barcelona, ​​Dortmund dhe Atlético

Vazo 2: Copenhagen, PSV, Napoli, Inter, RB Leipzig, Porto, PSG, Lazio

Shorti i raundit të 16-të në Champions League: kur

Kur do të hidhet shorti për fazën e 16-të të Champions League? Do të duhet të presim deri të hënën, më 18 dhjetor, në Shtëpinë e Futbollit Evropian në Nyon (Zvicër).

Datat e ndeshjeve të fazës së 16-të të Champions League? Duhet theksuar se dy ndeshjet që korrespondojnë me fazën e 16-të, do të luhen në datat 13, 14, 20 dhe 21 shkurt të vitit të ardhshëm 2024, ndeshjet e para, ndërsa ndeshjet e kthimit do të jetë në datën 5, 6, 12 dhe 13 mars.

Formati dhe rregulloret? Ashtu si në shortin e grupeve, skuadrat nga i njëjti vend nuk mund të jenë në një grup dhe as këtu nuk mund të përballeshin me njëra-tjetrën. Një kusht tjetër është që skuadrat që tashmë kanë ndarë një grup në fazën e mëparshme nuk mund të çiftohen.

Kushti i fundit është që skuadrat nga vazo e parë të përballen me ato të vazos së dytë, duke e bërë të pamundur që një ekip nga vazo një të çiftohet me një ekip nga e njëjta vazo dhe anasjelltas me vazon dy.

Kushtet e ndeshjeve? Skuadrat nga i njëjti vend nuk mund të luajnë ndeshjet e tyre me eliminim direkt në të njëjtën ditë, pasi ato nuk mund të përkojnë në të njëjtën datë për shkak të të drejtave televizive. Për shembull, në ditën që luan Bayern Munich, RB Leipzig nuk do të mund ta bëjë këtë.

B.T (Dosja.al)

Sondazh

Poll

MË SHUMË