Bota

Vdes nëna e bosit famëkeq meksikan të drogës El Chapo

13 Dhjetor 2023, 11:53 Nga A.B
Vdes nëna e bosit famëkeq meksikan të drogës El Chapo
El Chapo dhe nena e tij

MEKSIKË- Nëna e bosit famëkeq meksikan të drogës Joaquin "El Chapo" Guzman vdiq të dielën në moshën 95-vjeçare nga ndërlikimet nga operacioni i fshikëzës së tëmthit.

Maria Consuelo Loera vdiq në një spital në Culiacan, kryeqyteti i shtetit Sinaloa në Meksikën veriperëndimore, bastion i kartelit të drogës i themeluar nga djali i saj.

El Chapo, i cili për vite konsiderohej si një nga bosët më të fuqishëm të drogës në botë, u arrestua nga autoritetet meksikane në vitin 2016 dhe u ekstradua në SHBA në vitin 2017. Pasi u dënua me burgim të përjetshëm nga një gjykatë e Nju Jorkut në korrik 2019, ai po vuan dënimin në një burg të sigurisë maksimale në shtetin e Kolorados.

Pas dënimit të "El Chapo", djemtë e tij, të njohur me pseudonimin "Chapitos" ("Chapos i vogël"), trashëguan kontrollin e kartelit Sinaloa, sipas autoriteteve amerikane. 

María Consuelo Loera bëri një paraqitje publike në mars 2020 kur u takua me presidentin meksikan Andrés Manuel López Obrador , i cili po vizitonte shtetin e Sinaloa. Presidenti shkoi t'i shtrëngonte dorën ndërsa ajo ishte në makinë, gjë që bëri bujë.

Nëna i kishte kërkuar kreut të shtetit që ta ndihmonte për të siguruar një vizë pasaporte për të vizituar djalin e saj në burgun e sigurisë maksimale ku ai vuan dënimin në SHBA./Dosja.al

el chapo

Sondazh

Poll

MË SHUMË