Sport

Dhunë në futbollin turk! Pas sulmit ndaj një arbitri, Federata pezullon kampionatet. Arrestohet presidenti i klubit, reagon ashpër edhe presidenti Erdogan… (video)

Pas sulmit ndaj arbitrit të ndeshjes së Süper Lig mes Ankaragüçü dhe Rizespor mbrëmjen e kësaj të hëne, federata turke njoftoi pezullimin e të gjitha kampionateve të saj deri në një njoftim tjetër. Ajo tashmë ka vënë para drejtësisë presidentin dhe lojtarët e Ankaragüçü-s, autorë të kësaj dhune.

12 Dhjetor 2023, 04:01 Nga DOSJA

Dhunë në futbollin turk! Pas sulmit ndaj një arbitri, Federata

TURQI - Federata turke njoftoi shtyrjen e të gjitha ndeshjeve në ligat e saj deri në njoftimin e dytë, pas incidentit në ndeshjen e Superligës mes Ankaragücü dhe Rizespor mbrëmjen e kësaj të hëne. Në fund të ndeshjes, gjyqtari Halil Umut Meler u godit nga presidenti i klubit nga Ankaraja, Faruk Koca, dhe u rrah në tokë nga lojtarët e të njëjtit klub.

“Sot, ky sulm i neveritshëm nuk u drejtua vetëm kundër Halil Umut Melerit. Sot, ky sulm çnjerëzor dhe i neveritshëm është nisur kundër të gjitha palëve të interesuara në futbollin turk”, shprehet keqardhja e Federatës Turke në një deklaratë për shtyp.

Reagoi edhe presidenti Erdogan

“Në koordinim me shtetin tonë kanë filluar të zbatohen të gjitha procedurat penale që meritojnë këto veprime. Klubi përgjegjës, presidenti i klubit, drejtuesit e tij dhe të gjithë kriminelët që sulmuan Halil Umut Melerin do të dënohen në mënyrën më të rëndë ”, siguron TFF.

Ministri i Brendshëm turk Ali Yerlikaya njoftoi në rrjetin social “X” arrestimin e tre personave, mes të cilëve edhe presidentin e klubit Ankaragücü. Dëshmi e rezonancës ekstreme të këtij akti dhune, ka reaguar edhe presidenti turk Rexhep Tajip Erdogan.  “Dënoj sulmin ndaj gjyqtarit Halil Umut Meler (...) Ne kurrë nuk do të lejojmë që dhuna të ndërhyjë në sportin turk,”- tha ai.

Duke denoncuar një “mbrëmje të zezë” për futbollin turk, Shoqata e Gjyqtarëve të Turqisë u bëri thirrje anëtarëve të saj të ushtrojnë të drejtën e tërheqjes. “Ne besojmë, ose duam të besojmë, se përgjegjësit për futbollin turk dhe drejtësinë turke do të marrin të gjitha masat e nevojshme kriminale”, shkroi shoqata në një deklaratë për shtyp.

“I kërkojmë falje mbështetësve (...) dhe gjithë komunitetit sportiv për këtë incident të trishtuar,”- tha klubi Ankaragücü.

B.T (Dosja.al)

Sondazh

Poll

MË SHUMË