Sport

Nëna e Adrien Rabiot ngrin Juven: "Nuk ka negociata për rinovim"...

“Nuk është marrë asnjë vendim për të ardhmen, ne nuk po flasim me asnjë klub”, shtoi ajo në përgjigje të thashethemeve të fundit.

11 Dhjetor 2023, 21:19 Nga DOSJA

Nëna e Adrien Rabiot ngrin Juven: "Nuk ka negociata për

ITALI - “Nuk ka negociata për një rinovim me Juventusin”. Nëna e Adrien Rabiot, Veronique, e cila është edhe agjentja e djalit të saj, hyn me fytyrë të drejtë dhe ka përgënjeshtruar lajmet që kanë qarkulluar ditët e fundit për vazhdimin e ‘klientit’ të saj me bardhezinjtë. 

“Asnjë rinovim edhe për një vit 7 milionë euro pra”, siç përflitet. Takimi është shtyrë për muajt e ardhshëm: francezi dëshiron të marrë gjithë kohën para se të zgjedhë se çfarë të bëjë me të ardhmen e tij. Nga ana tjetër, kontrata e tij skadon në qershor me mundësi për të fituar kontrata të rëndësishme nëpër Evropë. 

“Unë i mohoj lajmet në lidhje me rinovimin e kontratës së Adrienit me Juventusin, - deklaratë e agjentit të francezit dhënë për “Ansa”. - Ai nuk ka marrë asnjë vendim për të ardhmen e tij dhe është i fokusuar ekskluzivisht në fushë këtë sezon dhe për momentin nuk ka diskutime me asnjë klub për të ardhmen e tij.

Edhe pse u zemërova mëngjesin e së enjtes kur zbulova lajmin në faqen e parë dhe një artikull, që nuk është gjë tjetër veçse një shpikje totale gazetareske, zgjodha t'i përgjigjem vetëm sot, lashë të kalonte fundjava që të mos ndërhynte në lojën e djalit tim”.

B.T (Dosja.al)

Sondazh

Poll

MË SHUMË