Sport

Plas në UEFA, Ceferini bëhet gati t’i japë vetes edhe një mandat tjetër për të kandiduar, por…

Avokati slloven po përpiqet të ndryshojë rregulloren që e kufizon deri në 3 të tilla për postin e presidentit të UEFA-s.

11 Dhjetor 2023, 17:10 Nga DOSJA
Plas në UEFA, Ceferini bëhet gati t’i japë vetes edhe

ZVICER - Kur në vitin 2016 Michel Platini “pagoi” për skandalin Blatter (pasi i kishte marrë para ish-presidentit të FIFA-s) me shkarkimin e tij nga presidenca e UEFA-s, Alexander Ceferin që zuri vendin e tij (pasuar nga mandati i përkohshëm i Angel Maria Villar) në shtator 2016.

Një nga ndryshimet e para që kaloi avokati slloven ishte kufiri prej tre mandatesh për presidentin e federatës evropiane të futbollit.

Ceferin është zgjedhur solemnisht edhe dy herë të tjera (në kohët e fundit dhe nuk ka pasur kundërshtar) që do të thotë se në vitin 2027 përfundon prezencën në Nyon (selia e UEFA-s). Megjithatë, në mbledhjen e fundit të Komitetit Ekzekutiv, një nga ndryshimet e propozuara është që të mos përfshihet mandate i parë që ishte i përkohshëm, në llogaritjen e kufizimit të tre mandateve.

Kjo perspektivë është kundërshtuar fuqimisht nga ish-shefi ekzekutiv i Manchester United, David Gill, i cili është pjesë e komitetin ekzekutiv të UEFA-s dhe duket se po udhëheq një lëvizje opozitare (pa qenë e qartë nëse ai apo dikush tjetër dëshiron të kandidojë).

Megjithatë, ka pasur reagime nga anëtarët e tjerë të Ekzekutivit, siç tha UEFA: “Komiteti ligjor ka propozuar disa ndryshime në statut, të cilat sqarojnë disa dispozita ekzistuese për të siguruar që asnjëra të mos zbatohet në mënyrë retroaktive – në përputhje me një parim ligjor kyç. Si komiteti qeverisës ashtu edhe ai ekzekutiv miratuan ndryshimet, të cilat tani do të shqyrtohen nga konferenca në shkurt”.

Pra, interesi kthehet në 8 shkurt në Paris ku mbahet konferenca dhe aty për të kaluar ndryshimin kërkohet që dy të tretat e 55 anëtarëve të Komitetit të ndryshojnë statutin.

B.T (Dosja.al)

Sondazh

Poll

MË SHUMË