Aktualitet

"Lamtumirë Mirush"/ Mesazhi i Ramës për vdekjen e Kabashit

Rama me anë të një fotoje bardhezi dhe një mbishkrimi "Lamtumirë Mirush", ka bërë homazhin e tij ngushëllues për aktorin. 

5 Dhjetor 2023, 08:55 Nga h.k
"Lamtumirë Mirush"/ Mesazhi i Ramës për vdekjen e
Mirush Kabashi

TIRANË- Kryeministri Edi Rama me një status në Facebook paraditen e sotme ka dhënë mesazhin e tij për vdekjen e artistit të njohur Mirush Kabashi, i cili u nda nga jeta në moshën 75-vjeçare. Rama me anë të një fotoje bardhezi dhe një mbishkrimi

"Lamtumirë Mirush", ka bërë homazhin e tij ngushëllues për aktorin. 

Mirush Kabashi u nda nga jeta në mesnatën e 5 dhjetorit. Lajmi u bë i ditur nga familjarët e tij. 

Mirush Kabashi lindi më 17 prill 1948 në Shkodër dhe është rritur në Durrës. Është një aktor shqiptar. Origjina e tij është nga Gjakova. Ai është aktor i rreth 100 roleve, në teatër dhe filma. Shpesh ka qenë edhe prezantues i aktiviteteve të shumta artistike. Gjithashtu, Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare.

E ndërsa një pjesë të jetës së tij ia ka kushtuar edhe teatrit me rolet e tij të larmishme, ku ndër to më i veçanti ka mbetur ai i Sokratit tek “Apollogjia e fundit e Sokratit”. Që prej vitit 2014 mbante titullin e lartë “Nderi i Kombit”, më parë kishte titujt “Artist i Merituar” dhe “Mjeshtër i Madh i Punës”./Dosja.al

mirush kabashi vdekja e mirush kabashit

Sondazh

Poll

MË SHUMË