Bota

Hetimi amerikan: Investitorët në Izrael e dinin për pushtimin e Hamasit

Pak para sulmit, shitjet e shkurtra të letrave me vlerë izraelite në bursën e Tel Avivit (TASE) u rritën në mënyrë dramatike

4 Dhjetor 2023, 21:17 Nga A.TH
Hetimi amerikan: Investitorët në Izrael e dinin për pushtimin e
Foto Ilustruese

SHBA- Pushtimi i Hamasit në orët e para të 7 tetorit në Izrael ishte i njohur ndoshta përpara se të ndodhte, për investitorët financiarë, për të cilët ka dyshime se përfituan nga situata. Ky zbulim tronditës është bërë nga studiues amerikanë nga Universitetet e Nju Jorkut dhe Kolumbisë. Një zbulim të cilin autoritetet izraelite nga ana e tyre e janë duke e hetuar. Hulumtimi nga profesorët e drejtësisë Robert Jackson J. nga Universiteti i Nju Jorkut dhe Joshua Mitch i Universitetit të Kolumbisë gjetën shitje të konsiderueshme të aksioneve përpara sulmeve të 7 tetorit që ndezën luftën Izrael-Hamas.

"Ditë përpara sulmit, investitorët dukej se po prisnin ngjarjet e ardhshme, duke treguar interes për shitje të shkurtra të aksioneve të një fondi izraelit tregtar në shkëmbim, (ETF) të përfshirë në indekset MSCI, të cilat papritmas u hodhën më 2 tetor bazuar në të dhënat e Entit Rregullator Financiar (FINRA). Dhe pak para sulmit, shitjet e shkurtra të letrave me vlerë izraelite në Bursën e Tel Avivit (TASE) u rritën në mënyrë dramatike," thanë studiuesit amerikanë në raportin e tyre prej 66 faqesh.

Në përgjigje të Reuters, TASE iu referua Autoritetit të Tregjeve të Kapitalit të Izraelit, i cili nënvizoi se çështja është e njohur për autoritetet dhe është nën hetim nga të gjitha palët e përfshira. Një zëdhënës i mbikëqyrësit të tregut të aksioneve nuk dha detaje të mëtejshme dhe policia izraelite nuk kishte asnjë koment të menjëhershëm. Studiuesit thanë se shitjet e shkurtra, ku investitorët presin që çmimi i aksionit të bjerë, duke lejuar që ajo të blihet me një çmim më të ulët me një fitim, përpara 7 tetorit tejkaloi shitjet e shkurtra që ndodhi gjatë shumë periudhave të tjera të krizës. Hulumtimi u raportua fillimisht nga uebfaqja izraelite e lajmeve financiare The Marker.

robert jackson j. lufta izrael-palestine

Sondazh

Poll

MË SHUMË