Sport

Dhunë në futbollin francez! Vdes një tifoz i Nantes, i goditur me thikë…

Prokurori publik i Nantes njoftoi në orën 12:30 të mëngjesit vdekjen e anëtarit të Brigadës Loire, i goditur me thikë para takimit kundër Nice nga një shofer QAP.

3 Dhjetor 2023, 07:29 Nga DOSJA

Dhunë në futbollin francez! Vdes një tifoz i Nantes, i goditur me

FRANCE - Takimi mes Nantes dhe Nices (1-0) është kthyer në tragjedi këtë të shtunë.  Prokurori publik i Nantes konfirmoi pas përfundimit të ndeshjes vdekjen e një tifozi 31-vjeçar të Nantes. 

Ky ultras, anëtar prej disa vitesh i Brigadës Loire, grupi kryesor i Nantes, u godit me thikë para ndeshjes, ndoshta nga një shofer i VTC-së, i cili transportonte tifozë të Nice-s.

Një skenar i konfirmuar nga prokurori publik i Nantes në një deklaratë për shtyp që zyrtarizon vdekjen e publikuar rreth orës 12:30: “Pak para orës 20:00, disa automjete të VTC që transportonin tifozë të Nice, u sulmuan nga tifozët e FC Nantes ndërsa po udhëtonin për të arritur në stadiumin Beaujoire,- shpjegon teksti.

Gjatë këtyre ngjarjeve, në rrethana që mbeten për t'u përcaktuar, është plagosur një 31-vjeçar, tifoz i FC Nantes”.

Prokurori ka konfirmuar “një plagë në shpinë, që mund të korrespondojë me një armë me tehe”, saktëson se i riu “vdiq në vend” pas një masazhi kardiak, burime të tjera pranë tifozëve bënë me dije në mbrëmje se ai ishte transferuar në NJQH rreth orës 21:30.

“FC Nantes ka mësuar se një tifoz i Nantes u plagos rëndë para ndeshjes,” shkroi klubi në X para fillimit, duke ofruar “mbështetje për familjen dhe të dashurit e viktimës”. Sipas “Ouest France”, autori është larguar. 

Drejtoria territoriale e policisë gjyqësore dhe Siguria e Departamentit të DDSP të Loire-Atlantique janë vënë në dijeni të hetimit të hapur nga prokuroria publike e Nantes për vrasje me dashje. Seancat e dëshmitarëve janë duke u zhvilluar dhe pritet të vazhdojnë, sipas të njëjtit burim.

B.T (Dosja.al)

Sondazh

Poll

MË SHUMË