Bota

"LGBT, organizatë ekstremiste"/ Forcat ruse nisin bastisjen në klubet e homoseksualëve në Moskë

Kontrollet vijnë pas një ndryshimi historik të ligjit që kufizoi më tej mbështetjen për komunitetin LGBTQ në Rusi.

2 Dhjetor 2023, 18:45 Nga A.TH
"LGBT, organizatë ekstremiste"/ Forcat ruse nisin bastisjen
foto ilustruese

RUSI- Forcat ruse kanë bastisur klubet dhe baret e homoseksualëve në të gjithë Moskën disa ditë pasi vendi vendosi se komuniteti LGBTQ ishte një organizatë ekstremiste.

Policia kontrolloi zonat në të gjithë kryeqytetin rus të premten mbrëma, duke përfshirë një klub nate, një sauna për meshkuj dhe një bar që organizonte festa LGBTQ, nën pretekstin e një bastisjeje droge, sipas mediave të huaja.

Bastisjet vijnë disa ditë pasi Gjykata e Lartë e Rusisë ndaloi atë që e quajti lëvizja globale LGBTQ. Dëshmitarët okularë të bastisjeve u thanë gazetarëve se dokumentet e klubeve u kontrolluan dhe u fotografuan nga shërbimet e sigurisë.

Disa vende LGBTQ janë mbyllur tashmë pas vendimit, duke përfshirë klubin e homoseksualëve të Shën Petersburgut Central Station, pronari i të cilit u tha ndjekësve të mediave sociale se nuk do të rihapte derisa ligjet e reja ishin në fuqi.

Aktivistët thanë se përkufizimi i gjykatës për lëvizjen është aq i gjerë dhe i paqartë sa u jep autoriteteve ruse aftësinë për të goditur çdo individ apo grup që konsiderohet të jetë pjesë e komunitetit LGBTQ. Max Olenichev, një avokat i të drejtave të njeriut që punon me komunitetin rus LGBTQ, tha se vendimi në mënyrë efektive ndalon aktivitetin e organizuar për të mbrojtur të drejtat e personave LGBTq.

rusi lgbt

Sondazh

Poll

MË SHUMË