Bota

Drejtoi Samitin e OSBE-së, kush është Bujar Osmani, Ministri i parë i Jashtëm shqiptar në Maqedoninë e Veriut

Në mbledhjen e sotme u diskutuan mbi të ardhmen e ogranizatës si dhe për zgjidhjet që do të ofrojnë përballë problematikave të caktuara. 

30 Nëntor 2023, 17:25 Nga I.A
Drejtoi Samitin e OSBE-së, kush është Bujar Osmani, Ministri
Bujar Osmani

SHKUP- Ministri i Jashtëm i Maqedonisë së Veriut Bujar Osmani ka kryesuar ditën e sotme samitin e Organizatës për Siguri dhe Bashkëpunim në Evropë (OSBE), me pjesëmarrjen e 57 vendeve anëtare të organizatës. Në mbledhjen e sotme u diskutuan mbi të ardhmen e ogranizatës si dhe për zgjidhjet që do të ofrojnë përballë problematikave të caktuara. 

Por kush është Bujar Osmani?

Bujar Osmani ka lindur më 11 shtator 1979 dhe ka të kryer Fakultetin e Mjekësisë në Shkup. Osmani ka titullin specialist-kirurg të cilin e ka marrë në Klinikën për Kirurgji digestive. Specializimin ai e ka përfunduar në Shkup dhe në Londër në qendrën për transplantimin e mëlçisë dhe kirurgjisë abdominale.

Në politikë Osmani ka mbajtur disa role kyçe, siç ka qenë Ministër i Shëndetësisë për një mandat. Po ashtu ai është edhe zëdhënësi i Partisë BDI, e cila kryesohet nga Ali Ahmeti. Aktualisht Osmani është Ministër i Jashtëm i Maqedonisë së Veriut, duke u bërë shqiptari i parë me këtë post.

Po ashtu Osmani është shqiptari i parë që ka arritur të kryesojë mbledhjen e samitit të OSBE-së. Por më parë ka tentuar dhe kryeministri Edi Rama që të marrë kryesimin e OSBE-së, por nuk ka mundur dot që ta bëj.

bujar osmani osbe

Sondazh

Poll

MË SHUMË