Sport

Drejtori i Dortmundit stoik i ligjit: “Rivali ynë nuk është Real Madridi, por “Netflix”

Drejtori ekzekutiv i Dortmundit, Carsten Cramer, përjashton hyrjen e investimeve arabe në klub dhe thekson se futbolli duhet të vazhdojë të jetë "interesant" për brezat e ardhshëm.

28 Nëntor 2023, 19:00 Nga DOSJA
Drejtori i Dortmundit stoik i ligjit: “Rivali ynë nuk është
Carsten Cramer, CEO i Dortmundit, përjashton hyrjen e parave arabe në klub

GJERMANI - Në një kontekst, kur futbolli gjithnjë e më shumë ndikohet nga investimet saudite nga Lindja e Mesme, ka klube që ende mbrojnë një model financimi të rreptë, të fokusuar në mbrojtjen e interesave të futbollit të vendit të tyre. Ky është rasti me Borussia Dortmund. 

Drejtori aktual ekzekutiv i Dortmundit, Carsten Cramer, i pyetur për mundësinë e hyrjes së fondeve arabe për të rritur pozicionin e klubit në kontekstin ndërkombëtar, ishte i prerë dhe theksoi se kjo do të shkonte në kundërshtim me vlerat e klubit:

“Jo. Ne kujdesemi për origjinën e parave, kështu që unë përjashtoj Arabinë Saudite dhe Katarin në rrethanat aktuale politike. Borussia Dortmund është e fokusuar në mbrojtjen e rregullit 50+1 - ligji gjerman i futbollit, që mbron klubet nga investimet e huaja dhe që garanton që anëtarët e një klubi të caktuar të mbeten me 51% të aksioneve - në forcimin e konkurrencës kombëtare dhe zgjedhjen përmes centralizimit dhe jo marketingu individual. Futbolli duhet të vazhdojë të jetë i arritshëm”,- tha Cramer, i cili theksoi rëndësinë e tifozëve në mbrojtjen e sportit.

“Futbolli është i lidhur me kulturën dhe ritualet. Me traditë dhe histori. Në Formula 1 nuk ka një retrospektivë të tillë, pasi fokusi është gjithmonë në hedhjen e hapit tjetër me makinën. Futbolli është më i ngadalshëm, megjithatë, ne duhet të rritemi. Në fund të fundit, konkurrenca jonë nuk është Real Madrid, por “Netflix”, ose një aktivitet tjetër i kohës së lirë. Misioni ynë është që brezat e ardhshëm të jenë ende të interesuar për futbollin”,- përfundoi ai 

B.T (Dosja.al)

Sondazh

Poll

MË SHUMË