Sport

Eshtë përcaktuar shorti për “play-off"-in kualifikues në “Euro 2024”...

Tre skuadra fituese do të marrin vendet e fundit në Europianin, Gjermani 2024

24 Nëntor 2023, 11:30 Nga DOSJA

Eshtë përcaktuar shorti për “play-off"-in kualifikues

ZVICER - Ndeshjet Uells-Finlandë, Izrael-Islandë dhe Bosnje-Hercegovinë-Ukrainë përfundojnë gjysmëfinalet e “play-off”-it kualifikues për Kampionatin Evropian 2024, përcaktuar nga shorti i zhvilluar këtë të enjte në selinë e UEFA-s në Nyon (Zvicër). 

Vetëm fituesit e tre vazove (A, B dhe C) kualifikohen për Kampionatin Evropian 2024, i cili do të zhvillohet në Gjermani, nga data 14 qershor deri më 14 korrik të vitit të ardhshëm.

Në vazon A tashmë ishte përcaktuar përplasja ‘gjysma’ mes Polonisë dhe Estonisë, fituesi i së cilës do të përballet në finale me skuadrën që triumfon në ndeshjen e caktuar nga shorti, mes Uellsit dhe Finlandës, e cila do të ketë avantazhin për të luajtur në shtëpi ndeshjen vendimtare.

Izraeli dhe Bosnje-Hercegovina njohën kundërshtarin e tyre në vazon B, Islandën dhe Ukrainën, ku fituesit e këtyre çifteve do të përplasen midis tyre për të marrë biletën për në finale.

Gjysmëfinalet e vazos C janë të përcaktuara Gjeorgjia kundër Luksemburgut dhe Greqia kundër Kazakistanit, me gjeorgjianët ose luksemburgasit që do të presin ndeshjen e fundit.

Të gjitha ndeshjet gjysmëfinale të fazës “play-off” për të siguruar pjesëmarrjen në turneun më të rëndësishëm të kombëtareve evropiane, janë planifikuar për në 21 mars 2024, ndërsa finalet do të luhen pesë ditë më vonë, më 26 mars.

Përveç Gjermanisë si shtet organizator, kanë garantuar praninë në Kampionatin Evropian 2024 këto vende: Portugalia, Shqipëria, Austria, Belgjika, Kroacia, Danimarka, Skocia, Sllovakia, Sllovenia, Spanja, Franca, Hungaria, Anglia, Italia, Holanda, Republika Çeke, Rumania, Serbia, Zvicra dhe Turqia.

Ky është rezultati i shortit për ndeshjet “play-off”: 

Vazo A
Poloni - Estoni
Uells - Finlandë
Vazo B
Izrael - Islandë
Bosnje - Ukrainë
Vazo C
Gjeorgji - Luksemburg
Greqi - Kazakistan

B.T (Dosja.al)

Sondazh

Poll

MË SHUMË