Politike

Çështja Beleri, Manja: Nuk besoj se Greqia do bëhet pengesë për integrimin e Shqipërisë në BE

Manja tha se çështja e Fredi Belerit i përket drejtësisë.

17 Nëntor 2023, 12:01 Nga A.B
Çështja Beleri, Manja: Nuk besoj se Greqia do bëhet
Ulsi Manja

TIRANË- Ministri i Drejtësisë Ulsi Manja ka folur në lidhje me qëndrimin e qeverisë shqiptare sa i përket kryebashkiakut të Himarës Fredi Beleri, i cili ndodhet në qeli për blerje votash. Për gazetarët pas takimit me shoqatat e bizneseve të huaja në Shqipëri, Manja tha se çështja e Fredi Belerit i përket drejtësisë.

"Më duhet të pohoj qëndrimin tonë konstant, Beleri është çështje e drejtësisë. Sigurisht që Greqia ka qëndrimet dhe pretendimet e veta, por kjo është një çështje e drejtësisë. Ky është qëndrimi që kam unë"

Sa i përket bllokimit që ka bërë Greqia për Shqipërinë në këtë etapë duke mos firmosur hapjen e kapitujve të vendit tonë me BE-në, Manja theksoi se është besimplotë që Athina zyrtare nuk ka për ta penguar rrugën drejt Bashkimit Europian.

"Unë nuk besoj se Greqia do të bëhet pengesë për integrimin e Shqipërisë në Bashkimin Europian. Ka një qëndrim të dëshmuar të Greqisë në përkrahjen e Shqipërisë në të gjitha proceset integruese të vendit. Edhe kësaj radhe kam bindjen që Greqia nuk do të jetë penguese në procesin tonë drejt BE-së. E bëri për Maqedoninë e Veriut, por me Shqipërinë marrëdhëniet tona me Greqinë dhe qëndrimi i Greqisë në raport me Shqipërinë në gjithë këtë trajektoren tonë drejt BE sigurisht ka qenë pozitive."

ulsi manja fredi beleri

Sondazh

Poll

MË SHUMË