Sport

Cristiano Ronaldo u jep pagë ekstra punonjësve të medias që denoncoi vite më parë

Këtë e ka bërë me rastin e blerjes së grupit botues “Cofina Media” në Portugali

11 Nëntor 2023, 16:00 Nga DOSJA

Cristiano Ronaldo u jep pagë ekstra punonjësve të medias që

PORTUGALI - Siç dihet, përveçse është dhe ka qenë një superstar në fushat e lojës, Cristiano Ronaldo admirohet edhe për vizionin e tij të biznesit, morinë e kompanive dhe bashkëpunimet e tij me të gjitha llojet e markave, e bëjnë futbollistin portugez të jetë dikush për të cilin flitet më tepër kur është futur në një projekt të ri. 

E fundit ishte bashkimi me një kompani ndërtimi braziliane, për të ndërtuar një rrokaqiell pushimesh, por tani ai donte të provonte dorën e tij edhe në botën e medias.

Lojtari i Al-Nassr është ndjerë i tërhequr edhe nga shtypi dhe pasi është përfshirë në biznese si uji, shartimi i flokëve, orët, moda, hotelet dhe qendrat sportive, mediat janë një motivim i ri për portugezin. Blerja është bërë përmes “Expressão Livre”, një grup investitorësh të cilit i përket, të kompanisë “Cofina Media”, e cila menaxhon disa gazeta kombëtare portugeze si “Correio da Manhã”, “Record” ose “Jornal de Negócios”.

Cristiano Ronaldo u jep pagë ekstra punonjësve të medias që

Më interesantja nga të gjitha është se ish-lojtari i Mançester Junajtid pati disa zënka me një kanal televiziv dhe një gazetë që i përkasin këtij grupi editorial, konkretisht i paditi dhe i bojkotoi. Lojtari i Al-Nassr nuk ishte dakord me informacionin e publikuar nga gazeta e lartpërmendur, duke pretenduar se krijoi një atmosferë të keqe në ekipin kombëtar që kur sulmuesi filloi të luante me kombëtaren.

Cristiano shkoi edhe në gjykatë

Ka pasur aq shumë problemesh, saqë ai ka hyrë edhe në procese gjyqësore ndaj tyre, si në vitin 2011, ashtu edhe në vitin 2015: “Nuk kam respekt për atë gazetë, sepse ajo shpik vazhdimisht lajme, shpik polemika, shpik një marrëdhënie të keqe, një atmosferë të keqe në skuadra. Ai ka sulmuar vazhdimisht skuadrën që kur kam filluar në kombëtare”,- ka thënë portugez në vitin 2014.

Një nga grindjet më të njohura ishte kur, në mes të përqendrimit të kombëtares portugeze në Eurokupën 2016, Cristiano Ronaldo i mori mikrofonin një gazetari dhe e hodhi në një liqen që ishte në parkun ku po kalonin.

Megjithatë, duket se Cristiano ka dashur të fshijë rrasa dhe këtë 8 nëntor ka dashur të falënderojë punëtorët për gjithë punën që bëjnë dhe i ka shpërblyer me një pagesë shtesë prej 1250 euro: “Në mirënjohje për të gjithë ata që janë pjesë e kësaj kompani të madhe dhe se çdo ditë djersin këmisha për këtë”,- ka shkruar ai në emailin që u ka dërguar.

B.T (Dosja.al)

Sondazh

Poll

MË SHUMË