Aktualitet

I refuzohet kempi, e moshuara nuk mban dot lotët: Nuk lëviz dot prej rreth 1 viti, jam me pampers

Me lot në sy, ajo tregon për emisionin investigativ “Stop” në Tv Klan se prej 11 muajsh nuk lëviz nga krevati dhe është me pelena.

10 Nëntor 2023, 22:52 Nga I.A
I refuzohet kempi, e moshuara nuk mban dot lotët: Nuk lëviz dot prej
Zejnebi Dervishi

TIRANË- Në Tiranë, zonja Zejnebi Dervishi është një pensioniste, e cila para një viti ka pësuar një aksident dhe ka mbetur e paralizuar. Megjithëse është drejtuar për kemp, zonja është refuzuar.

Me lot në sy, ajo tregon për emisionin investigativ “Stop” në Tv Klan se prej 11 muajsh nuk lëviz nga krevati dhe është me pelena.

Gazetarja: Sa vite ka që je në këtë gjendje?

Denoncuesja: U rrëzova dhe që në momentin që u rrëzova, nuk u çova dot më. Jam pensioniste.

Gazetarja: Ju a e keni humbur lëvizshmërinë e këmbëve?

Denoncuesja: Jo, unë nuk lëviz fare, fare nga këmbët. Unë as duart pas operacionit nuk i menaxhoj dot.

Gazetarja: Në lidhje me këtë situatë që keni kaluar, dokumentacionin, epikrizën, a keni dorëzuar për të përfituar statusin e tetraplegjikëve?

Gazetarja: Pra, ti nuk ke as pension invaliditeti, as kujdestar?

Denoncuesja: As kujdestar dhe burrin e kam pa punë.

Gazetarja: Po kush kujdeset për ty?

Denoncuesja: Burri im kujdeset sepse burri im nuk shkon në punë.

Denoncuesja: Unë jam 68 vjeçe. Jemi moshatarë me burrin. Ka 11 muaj që unë nuk lëviz fare, fare. Ka 11 muaj që unë jam me pampers.

Gazetarja: Mos u mërzit, do të bëjmë maksimumin për ju.

Për këtë rast, Shërbimi Social Shtetëror sqaron se e moshuara ka dalë në Komisionin Rajonal të Tiranës me divergjencë, pasi ka votuar kundër një anëtar dhe dosja është në komisionin epror.

Nga ana tjetër Shërbimi Social Shtetëror u shpreh se për rastet e transmetuara në “Stop” që merrnin kemp në mënyrë abuzive, janë ndërprerë pagesat dhe janë thirrur për rikomisionim dhe ekzaminime të gjendjes aktuale.

Marrë nga TvKlan

zejnebi dervishi

Sondazh

Poll

MË SHUMË