Aktualitet

Punime dhe probleme me rënien e gurëve, nga 10 nëntori mbyllet bypassi i Vlorës

Në një njoftim zyrtar bëhet me dije se mbyllja e përkohshme e këtij aksi rrugor do të kryhet për shkak të punimeve për rivitalizimin dhe mbrojtjen e skarpatave nga rënia e gurëve.

8 Nëntor 2023, 17:19 Nga a.l
Punime dhe probleme me rënien e gurëve, nga 10 nëntori mbyllet
Bypass i Vlorës

VLORË- Autoriteti Rrugor Shqiptar (ARRSH) ka njoftuar mbylljen përkohësisht të bypass-it të Vlorës. Në një njoftim zyrtar bëhet me dije se mbyllja e përkohshme e këtij aksi rrugor do të kryhet për shkak të punimeve për rivitalizimin dhe mbrojtjen e skarpatave nga rënia e gurëve.

Postimi i plotë:

Në Bypass-in e Vlorës do të kryhen punimet për rivitalizimin dhe mbrojtjen e skarpatave nga rënia e gurëve

Për kryerjen e këtyre punimeve është e nevojshme mbyllja e përkohshme e trafikut, konkretisht nga km 12 që fillon mbas fshatit të Kaninës, deri në km 20 në afërsi të kryqëzimit që del në Rradhimë

Bllokimi i trafikut në këtë segment do të kryhet duke filluar nga data 10.11.2023 deri në përfundimin e të gjitha punimeve të nevojshme për t’u kryer pa prezencë trafiku.

Kërkojmë mirëkuptimin e banorëve dhe përdoruesve të rrugës për këto ndërhyrje që po kryhen në këtë aks deri në përfundimin e plotë të këtij projekti. 

bypass i vlores

Sondazh

Poll

MË SHUMË