Sport

Rrëmbyesit e babait të Luis Diaz kërkojnë garanci për siguri, para se ta lirojnë atë...

Ushtria Çlirimtare Kombëtare (ELN) është gati të bëjë lirimin e babait të futbollistit kolumbian, por kërkon ndalimin e përpjekjeve të policisë dhe ushtrisë për shpëtim.

7 Nëntor 2023, 15:38 Nga DOSJA

Rrëmbyesit e babait të Luis Diaz kërkojnë garanci për

KOLUMBI - Përgjegjësinë për rrëmbimin e prindërve të futbollistit Luis Diaz e ka marrë Ushtria Çlirimtare Kombëtare e Kolumbisë (ELN), e cila më pas, e la të lirë nënën e lojtarit të Liverpoolit.

Në 24 orët e fundit ELN ka bërë me dije synimin e saj për të liruar edhe Manuel Diazin, pas thirrjeve të futbollistit për të respektuar të atin, por në një deklaratë me shkrim të lëshuar dhe firmosur nga komandanti Jose Manuel Martinez Queiroz, theksohet se kjo nuk ishte ajo mund të ndodhë në çast!

“Ne po bëjmë përpjekje për të shmangur incidentet me forcat qeveritare. Zona është ende e militarizuar, ata po kryejnë fluturime, zbarkojnë trupa dhe ofrojnë shpërblime si pjesë e një operacioni intensiv kërkimi”,- tha ELN në deklaratën e saj, duke shtuar:

“Kjo situatë nuk lejon që plani i lirimit të zbatohet shpejt dhe me siguri në mënyrë që zoti Diaz të mos rrezikohet. Nëse operacionet vazhdojnë në zonë, do të vonojnë lirimin dhe do të rrisin rreziqet. E kuptojmë ankthin e familjes, të cilës i themi se do ta mbajmë fjalën, sapo të kemi garanci sigurie për mbarëvajtjen e operacionit çlirimtar”.

Kujtojmë se prindërit e Diaz u rrëmbyen në qytetin verior të Kolumbisë, Barranca me sulmuesin e Liverpoolit, që të dielën mbrëma, duke shënuar në 90'+5 në shtëpinë e Lutonit, ngriti fanelën për të treguar mesazhin: “Liri për babin”, dhe më pas lëshoi një deklaratë duke thënë:

“Lutem që ai të lirohet menjëherë, duke respektuar integritetin e tij dhe duke i dhënë fund kësaj pritjeje të dhimbshme. Në emër të dashurisë dhe dhembshurisë, ne kërkojmë që ata të rishqyrtojnë veprimet e tyre dhe të na lejojnë ta kthejmë atë."

B.T (Dosja.al)