Politike

Goditi me grusht socialistin gjatë seancës, Bledion Nallbati paraqitet në SPAK: Nuk qëllova njeri!

Edhe Vullnet Sina është paraqitur në SPAK dhe është pyetur nga agjentët e BKH për incidentin në Kuvend ku u godit me grusht nga kolegu demokrat Nallbati.

6 Nëntor 2023, 09:09 Nga A.B
Goditi me grusht socialistin gjatë seancës, Bledion Nallbati paraqitet
Nallbati

TIRANË-Deputeti i Partisë Demokratike, Bledion Nallbati është paraqitur mëngjesin e sotëm në SPAK. Kjo lëvizje vjen pas kallëzimit që Partia Socialiste bëri ndaj tij për shkak të dhunës që ndodhi në parlament pak ditë më parë. Pas marrjes në pyetje, deputeti u shpreh se nuk ka dhunuar njeri, si dhe shtoi se në parlament ndodhin gjëra akoma më të turpshme.


 Nallbati është thirrur në SPAK për të dhënë shpjegime për ngjarjen e dhunën ndaj Vullnet Sinës. Kujtojmë se edhe ky i fundit është paraqitur në SPAK dhe është pyetur nga agjentët e BKH për incidentin në Kuvend ku u godit me grusht nga kolegu demokrat Nallbati. Ai ka dhënë sqarime pas kallzimit të bërë nga grupi parlamentar.

Incidenti ndodhi në seancën parlamentare të 30 tetorit 2023. Gjatë skenarit për dhunë e kaos të Rithemelimit për të mos lejuar zhvillimin normal të seancës pa plotësuar kërkesat e tyre Bledion Nallbati iu afrua deputeti socialist Vullnet Sina që po fliste nga karrigia e tij. Në një moment mes tyre pati konflikt fizik që degjeneroi dhe në përplasje fizike deri në përdorimin e grushtit nga ana e Nallbatit drejt Sinës./Dosja.al

bledion nallbati

Sondazh

Poll

MË SHUMË