Aktualitet

Stuhia e fuqishme në Tiranë, uji futet brenda autobusit të Kamzës (VIDEO)

Probleme në qarkullim janë hasur edhe në aksin Rinas-Tiranë, pas reshjeve të dendura të shiut.

3 Nëntor 2023, 13:16 Nga r.ll
Stuhia e fuqishme në Tiranë, uji futet brenda autobusit të
Foto nga urbani

TIRANË- Pak minuta më parë një stuhi e fuqishme me reshje të dendura shiu, ka përfshirë kryeqytetin, ku janë përmbytur rrugë dhe është rënduar trafiku. 

Ndërkohë edhe pse brenda në autobus, qytetarët janë prekur nga reshjet e dendura të shiut. Në një video të publikuar nga JOQ, shihet si futet sasi e madhe uji në autobusin e Kamzës dhe qytetarët po mundohen t'i shmangen për të mos u lagur. 

 
 
 
 
 
View this post on Instagram
 
 
 
 
 
 
 
 
 
 
 

A post shared by JOQ Albania (@joqalbania)

Reshje të dendura shiu dhe erëra të forta kanë përfshirë edhe qytetin e Durrësit, ku rrugët janë përmbytur duke shkaktuar vështirësi në qarkullimin e makinave. Probleme në qarkullim janë hasur edhe në aksin Rinas-Tiranë, pas reshjeve të dendura të shiut. Tirana është pushtuar nga reshje të dendura të cilat kanë mbuluar disa zona me ujë. Vetëm pak minuta kanë mjaftuar që të krijohet kaos në rrugë, duke shkaktuar vështirësi në qarkullimin e makinave.

Më herët u raportua se stuhia e fuqishme “Ciaran”, që deri tani ka përfshirë Evropën dhe ka shkaktuar vdekjen e 12 personave pritet të godasë edhe Shqipërinë. Nga mesdita e sotme deri ditën e nesërme priten reshje të dendura shiu të shoqëruara edhe me rrebeshe, duke sjellë reshje nga 50 deri në 85 milimetër shi. Ndërkohë, sipas Meteoalb problematike do të jetë edhe era e fortë, e cila do të arrijë deri në 80 km në orë në det të hapur duke shkaktuar vështirësi për qarkullimin detar. Ndërkohë, gjatë së shtunës do të ketë edhe rënie të temperaturave që nuk do t’i kalojnë 19 gradë celsius.

stuhi ne tirane moti i keq ne tirane

Sondazh

Poll

MË SHUMË