Politike

“Valë shpifjesh”/ Investigimi i BBC për financimet ruse, zëdhënësja e Bashës shkresë zyrtare medias: Nuk janë marrë fondet

Po ashtu, ajo i ka dërguar dhe një shkresë zyrtare BBC-së, ku i kërkon që të pasqyrojë faktet në mënyrën e duhur.

2 Nëntor 2023, 16:05 Nga I.A
“Valë shpifjesh”/ Investigimi i BBC për financimet ruse,
Lulzim Basha dhe Donald Trump

TIRANË- Grupi i Lulzim Bashës ka reaguar pas investigimin të medias britanike BBC, ku thuhet se Basha ka marrë 500 mijë dollarë për lobim nga Rusia. Po ashtu në artikull përmendet dhe fakti se fotoja e Bashës me presidentin amerikan Donald Trump, është financuar nga Rusia. Zëdhënësja e grupit të Bashës, Mirela Karabina, e ka quajtur investigimin e BBC-së si të pavërtetë dhe të dëformuar. Po ashtu, ajo i ka dërguar dhe një shkresë zyrtare BBC-së, ku i kërkon që të pasqyrojë faktet në mënyrën e duhur.

Reagimi i zëdhëneses Mirela Karabina:

Në disa media media është publikuar i deformuar sot një shkrim me disa të pavërteta të marra copy-paste nga vala e shpifjeve kundër PD dhe Lulzim Bashës. Fakti që në shkrim as nuk përmendet korruptimi që Edi Rama i bëri McGonigal për të sulmuar Lulzim Bashën, tregon se kush është i interesuar për riciklimin e kësaj çështje që ka marrë përgjigje si nga institucionet shqiptare të drejtësisë ashtu dhe nga ato të SHBA.

Më poshtë teksti i shkresës zyrtare që PD i ka nisur BBC:

E nderuara Zonjë/Zotëri, Fatkeqësisht, ju keni publikuar një lajm pa u njohur plotësisht me faktet dhe pa iu drejtuar Partisë Demokratike të Shqipërisë për një përgjigje të duhur. Ju po ripërsëritni një histori të vjetër që tashmë është shqyrtuar dhe verifikuar si e pavërtetë në të kaluarën. Narrativa e paraqitur është pa asnjë ekuivok e rreme nga fillimi në fund. Siç është faktuar tashmë, as zoti Basha dhe as Partia Demokratike dhe fushatat e saj nuk kanë marrë ndonjëherë fonde nga Rusia. Kur kjo histori doli për herë të parë në 2017, zoti Basha dhe Partia Demokratike kërkuan një hetim të plotë dhe bashkëpunuan plotësisht me të gjitha autoritetet hetimore.

Në vitin 2019, gjykatat në Shqipëri e kishin shfajësuar plotësisht zotin Basha dhe Partinë Demokratike, duke e pastruar atë nga çdo lidhje me këtë histori të sajuar. Për më tepër, që prej asaj kohe ka dalë në dritë se kryeministri i Shqipërisë, Edi Rama, kishte lidhje të ngushta me agjentin e atëhershëm të FBI-së, Charles McGonigal. Sipas hetimeve, përfshirë nga Neë York Times, këto lidhje u krijuan kryesisht për të goditur z. Basha, duke u përfshirë në një fushatë shpifjeje kundër tij, pjesë e së cilës ishin edhe këto akuza të rreme.

Shih: https://ëëë.nytimes.com/2023/02/03/nyregion/fbi-intelligence-charged-albania.html
Ish-agjenti në fjalë i FBI-së është dënuar nga gjykatat amerikane vetëm pak javë më parë. Shih: https://euroneës.al/en/former-fbi-official-mcgonigal-admits-to-all-charges-related-to-albania/

Duke besuar se do ti pasqyroni këto fakte në mënyrën e duhur.

'The British Broadcasting Corporation' ka publikuar një investigim ditën e sotme në lidhje me shtrirjet e lobimit dhe pagesave të marra nga Rusia. Pjesë e këtij artikulli ku flitet për skandalet e lobimit përmendet edhe ish-kryetari i Partisë Demokratike, Lulzim Basha, ku thuhet se ka paguar para për të pasur një foto me ish-presidentin amerikan, Donald Trump. Sipas BBC skandali i këtij lobimi është se, Rusia ka shpenzuar 500 mijë dollarë për lobim për Lulzim Bashën dhe nuk dihet mënyra si janë transferuar këto para.

lulzim basha donald trump mirela karabina

Sondazh

Poll

MË SHUMË