Aktualitet

Jep dorëheqjen Drejtoresha e Autoritetit Kombëtar të Ushqimit, Deda: Sot mbylla një kapitull të bukur

Po ashtu ajo u ka shprehur mirënjohjen të gjithë perspnave që e kanë mbështetur në këtë detyrë.

27 Tetor 2023, 20:57 Nga I.A
Jep dorëheqjen Drejtoresha e Autoritetit Kombëtar të Ushqimit,
Jeta Deda

TIRANË- Drejtoresha e Përgjithshme e Autoritetit Kombëtar të Ushqimit, Jeta Deda ka dhënë dorëheqjen nga pposti që mban. Me anë të postimi në Facebook, Deda ka deklaruar se sot i ka dhënë fund një kapitulli të bukur të jetës profesionale. Po ashtu ajo u ka shprehur mirënjohjen të gjithë perspnave që e kanë mbështetur në këtë detyrë. Po ashtu ajo ka deklaruar se po bëhet gati për angazhime të reja.

Postimi i Plotë:

Të nderuar miq e kolegë, Prej sot mbyll një kapitull të bukur të jetës time profesionale, duke u tërhequr nga detyra si Drejtore e Përgjithshme e Autoritetit Kombëtar të Ushqimit dhe duke ndjekur një orientim tjetër profesional. Ndahem nga një ekip, të cilin e falenderoj për çdo punë të mirë të kryer së bashku. Shpreh mirënjohjen e thellë ndaj Kryeministrit e Këshillit të Ministrave për besimin e dhënë dhe ish-Ministres Krifca dhe Ministres aktuale Denaj, me të cilat arrita të bashkëpunoj gjatë kësaj udhe. Po ashtu, mirënjohëse ndaj stafit të Autoritetit Kombëtar të Ushqimit për mundësinë e shërbimit në këtë detyrë, pasi mbështetja juaj e pakufi dhe bashkëpunimi kanë qenë kryefjala në gjithë rezultatet e arritura së bashku në lëmin e sigurisë ushqimore.

Një falenderim i veçantë i takon ekspertëve shumëvjeçarë në Ministrinë e Bujqësisë dhe Zhvillimit Rural dhe në Autoritetin Kombëtar të Ushqimit. Dedikimi dhe puna e tyre janë rregullatorët e sistemit dhe standardeve që duam të vendosim, në rrugëtimin drejt integrimit europian e kryesisht në shërbim të atdheut. Nuk kam dyshim se kjo skuadër do të shkëlqejë me këdo menaxher që iu bashkohet. Teksa bëhem gati për angazhime të reja, e shikoj kohën si Drejtore e Përgjithshme e AKU-së me mirënjohje të thellë për përvojën e marrë, dijet e përftuara dhe marrëdhëniet e mira të ngritura. Falenderime për mbështetjen dhe besimin gjatë këtij rrugëtimi! Ka qenë nder të shërbej në këtë detyrë. Përzemërsisht, Jeta

jeta deda aku

Sondazh

Poll

MË SHUMË