Sport

Mo Salah filantrop: "Ai tashmë u ka dhënë miliona e miliona euro njerëzve të sëmurë"

Truproja e sulmuesit të Liverpoolit, thotë se duhet të jesh shumë i kujdesshëm kur flitet për një lojtar, që është idhull në të gjithë botën arabe.

16 Tetor 2023, 18:47 Nga DOSJA
Mo Salah filantrop: "Ai tashmë u ka dhënë miliona e miliona

EGJIPT - Truproja e Mohammed Salah tha për ‘5ASide’, se e gjithë korrespondenca që merr sulmuesi egjiptian i Liverpool-it është skanuar, për të mos lejuar që lojtari të jetë viktimë e ndonjë sulmi.

Salah, 31 vjeç, është idhull në vendet e Lindjes së Mesme dhe ka 62.5 milionë ndjekës në Instagram. Kjo është arsyeja pse ai merr shumë letra, madje edhe dhurata nga fansat e tij, por Karim Abdou nuk e lë lojtarin të hapë asgjë, që nuk është inspektuar më parë.

“Të gjitha dhuratat duhet të skanohen, kurrë nuk i dihet se çfarë ka brenda... Mund të jenë gjëra që të sëmurin, apo edhe të vrasin, nuk i dihet kurrë”,- tha roja i sigurisë, i cili ka punuar me yje të tjerë të futbollit si Roberto Carlos, Alessandro Del Piero dhe Angel Di María, tani lojtar i Benfica-s.

Karim Abdou, i cili ka punuar me Salah për gati 10 vjet, tha se një nga sfidat më të mëdha është kur lojtari shkon në Egjipt. Ideja është ta bëjmë yllin të padukshëm... "Ai është një fantazmë, ai nuk mund të shihet. Një herë ai shkoi të falej në një xhami. Askush nuk e dinte se ku jetonim, por ne na ndoqën dhe ata postuan në WhatsApp 'Mo Salah jeton në atë adresë. Brenda 5 minutash, 20.000 njerëz u shfaqën te dera.”

Truproja shpjegoi gjithashtu se ka shumë fansa që i shkruajnë Mohammed Salah, veçanërisht për shkak se futbollisti njihet për bujarinë e tij. "Njerëzit i shkruajnë problemet e tyre në letër, sepse mendojnë se ai do të zgjidhë gjithçka. Ai tashmë u ka dhënë miliona e miliona euro njerëzve të sëmurë. Ai bleu ambulanca për qytetin e tij, ai ndihmoi njerëzit që nuk kishin para për t’u martuar, për të paguar faturat, apo edhe për të bërë operacione”.

B.T (Dosja.al)

Sondazh

Poll

MË SHUMË