Sport

Një lajm i mirë vjen nga Argjentina: Leo Messi po “lidh” këpucët…

Mësohet se Lionel Messi, aktualisht në kombëtaren me Argjentinën, ka një gjendje të mirë fizike dhe mund të jetë titullar për ‘Albicelestët’ në sfidën e radhës

16 Tetor 2023, 10:49 Nga DOSJA
Një lajm i mirë vjen nga Argjentina: Leo Messi po “lidh”

ARGJENTINE - Prej disa javësh, ka qenë një Lionel Messi, që ka patur probleme me fizikun e tij, ndaj ‘Pleshtit’ i është dashur të ‘zhonglonte’ mes paraqitjeve të tij sporadike me Inter Miami dhe Argjentinë. 

Kundër Paraguajit, natën e së enjtes deri të premten e kaluar, ‘Pleshti’ hyri në lojë në pjesën e dytë, por çështja e një rikthimi si titullar ishte padyshim shumë e parakohshme.  Megjithatë, sot ka një lajm të mirë në këtë drejtim.

Në të vërtetë, ndërsa Argjentina do të sfidojë Perunë natën e së martës deri të mërkurën, si pjesë e kualifikueseve për zonën e Amerikës së Jugut, gazeta “Olé” ka informuar orët e fundit se Messi ka shanse të mira për të gjetur sërish një vend si titullar. 

‘Pleshti’ ishte stërvitur normalisht me grupin këtë të diel, gjë që tregon një rikthim në 100% të burimeve të tij fizike. Mjaft për të kënaqur publikun në Lima, që do të presë takimin mes vendasve dhe kampionëve në fuqi të botës.

B.T (Dosja.al)

Sondazh

Poll

MË SHUMË