Sport

Solbakken, trajnerit të Norvegjisë i pushon zemra, për 7 minuta ishte klinikisht i vdekur!...

Ai pësoi një atak në zemër në tetor 2001 gjatë një seance stërvitore në Kopenhagë.

15 Tetor 2023, 17:00 Nga DOSJA

NORVEGJI - Stale Solbakken mund të thotë se ka lindur dy herë. E para, më 27 shkurt 1968, Kongsvinger, një qytet në Norvegjinë lindore pranë kufirit me Suedinë. E dyta, më 13 mars 2001, në Kopenhagë.

Atë ditë ai erdhi në jetë, fjalë për fjalë. Ai ishte një lojtar i Kopenhagës, skuadër që stërvitej nga anglezi Roy Hodgson në qytetin e tij sportiv. Solbakken, një mesfushor i fuqishëm, 190 centimetra i gjatë dhe pa asnjë problem fizik, u rrëzua përtokë. Zemra e tij ndaloi!

"Zemra ime pushoi së rrahuri. Isha teknikisht i vdekur për shtatë minuta. Ata po më merrnin në ambulancë, kur më në fund, zemra ime filloi të rrihte përsëri. Isha në koma për gati 30 orë dhe u shtrova në spital për 14 ditë,"- tregon trajneri i sotëm i Norvegjisë. Në moshën 33-vjeçare ai rilindi për së dyti.

Emri i Solbakkes është Stale, që në norvegjisht do të thotë çelik. Trupi i tij rezistoi për të kapërcyer sulmin në zemër. Aq sa ai mori edhe një leje mjekësore për të luajtur sërish futboll, siç ndodhi me danezin Eriksen pas kolapsit që pësoi në ndeshjen e parë të Eurokupës së fundit.

Solbakken, trajnerit të Norvegjisë i pushon zemra, për 7 minuta
Solbakken përqafon Dan Eggen, i cili vepronte si përkthyes në konferencat për shtyp

Vendimi i Solbakken ishte të ndalonte. “Pas shumë javësh pushim, u ktheva në formë, ia dola. Po bëja katër seanca të plota stërvitore në javë, si zakonisht. Kisha vendosur një stimulues kardiak dhe isha në gjendje të mirë fizike. Kisha analiza dhe zemra ime ishte kthehem në normalitet.

Mund të kisha luajtur, por ekzistonte një rrezik teorik, jo i kuq, por ndoshta qelibar. Dhe me fëmijët, familjen vendosa të mos vazhdoj të luaja,"- shpjegon ai kur kujton atë episod të jashtëzakonshëm në filmin e tij të jetës.

Ai ndaloi së luajturi, por Solbakken nuk u largua nga futbolli. Zemra e tij ka vite që i duron tendosjen e stolave. Hapi i tij i parë ishte në vendin e tij, nën komandën e Hamarkameratene. Ai e nxorri skuadrën nga një krizë e thellë identiteti dhe e ktheu në elitën e futbollit norvegjez.

Kjo bëri që Kopenhagen ta thërriste për t'u kthyer në shtëpi dhe aty ai njohu shijen e të luajturit në Champions League. Ai kaloi në Bundesligë (Këln), Premier League (Wolverhampton), u kthye në kryeqytetin danez dhe në dhjetor 2020 mori drejtimin e Norvegjisë.

Stale Solbakken, si lojtar luajti 58 ndeshje për ekipin kombëtar të Norvegjisë, duke shënuar nëntë gola dhe duke marrë pjesë në Kupën e Botës 1998 në Francë.

B.T (Dosja.al)

Sondazh

Poll

MË SHUMË