Aktualitet

'Rol në trafikun e drogës në Fushë-Kuqe'/ U arrestua nga SPAK, Shefi i Komisariatit të Kurbinit lëvizte kriminelët me makinë

Metaj kryente rolin e transportuesit të anëtarëve kriminal, mes tyre edhe baronin e drogës Gëzim Çelaj, duke shfrytëzuar postin e tij si komisar policie për t’i lëvizur pa i kontrolluar dhe dyshuar askush tek ata.

10 Tetor 2023, 10:31 Nga A.B
'Rol në trafikun e drogës në Fushë-Kuqe'/ U
Gezim Cela dhe Dritan Metaj

TIRANË- Shefi i komisariatit të Kurbinit, Dritan Metaj, i cili u arrestua një ditë më parë me kërkesë të SPAK, rezulton të ketë pasur rol të rëndësishëm në grupin kriminal të trafikut të drogës në Fushë Kuqe.

Metaj kryente rolin e transportuesit të anëtarëve kriminal, mes tyre edhe baronin e drogës Gëzim Çelaj, duke shfrytëzuar postin e tij si komisar policie për t’i lëvizur pa i kontrolluar dhe dyshuar askush tek ata.

Veprimtaria kriminale është arritur të dokumentohet me prova të pakundërshtueshme nga SPAK, përmes një numri të lartë të celularëve të sekuestruar në operacionin “Flakë në Det” të organizuar në muajin gusht, mes të cilit janë gjetur biseda të shumta të Metajt me Gëzim Çelajn dhe 2 të tjerët të shpallur në kërkim.

Me urdhër të SPAK, janë kryer përgjime të tjera në javët e fundit, të cilat kanë dhënë prova mbështetëse për dokumentimin e veprimtarisë kriminale./Dosja.al

dritan metaj

Sondazh

Poll

MË SHUMË