Sport

VIDEO/ Inter-Bologna 2-2, hapi i dytë i gabuar në “San Siro” për 'zikaltrit' e Inzaghit

Skuadra e Inzaghit kalon 2-0 në minutën e 13-të falë Acerbi dhe Lautaro, por Orsolini (penalti) dhe Zirzkee ngrijnë ‘zikaltrit’

7 Tetor 2023, 18:27 Nga DOSJA

VIDEO/ Inter-Bologna 2-2, hapi i dytë i gabuar në “San

ITALI - Në ditën e tetë të Serisë A, Interi pësoi një ndalim nga Bolonja dhe nuk shkoi përtej  barazimit 2-2 në “San Siro”. Skuadra e Inzaghit kaloi dy gola përpara, në minutën e 11-të falë goditjes me kokë të Acerbit nga këndi dhe goditjes së fuqishme të Lautaro nga distanca dy minuta më pas.

Por penalltia e Orsolinit në minutën e 19-të dhe gjuajtja e Zirkzee me këmbën e djathtë në zonë (52') ngrijnë ‘zikaltrit’, të cilët tani rrezikojnë të rrëshqasin në vendin e dytë. Megjithatë, ‘kuqeblutë’ shkojnë në 11 pikë.

Ashtu si me Sassuolon, Interi humbi avantazhin e tij në “San Siro” dhe këtë herë, nga 2-0 në epërsi, përfundoi në barazim 2-2 ndaj Bolognas. Fillimi i ‘zikatërve’ ishte fjalë për fjalë i papërmbajtshëm: pas dhjetë minutash qetësi, ata kaluan në epërsi me Acerbin, pas një këndoreje të ekzekutuar nga Calhanoglu. Megjithatë, kalojnë vetëm dy minuta dhe Lautaro dyfishon epërsinë me një gjuajtje me këmbën e djathtë nga buza e zonës. 

Ndeshja tashmë dukej se ishte e drejtuar mirë, por në minutën e 19-të Bologna ngushtoi diferencën: Toro mbajti me naivitet Ferguson në zonë pas goditjes nga këndi, VAR-i dha penalltinë në favor të ‘kuqebluve’, i konvertuar në gol nga Orsolini, pavarësisht se Sommer kishte marrë me mend drejtimin e goditjes. 

Goli e vë në pikëpyetje ndeshjen dhe skuadra e Motta-s nis të driblojë duke treguar personalitet përballë ‘zikaltërve’. Pjesa e parë, megjithatë, mbyllet 2-1 pa asnjë moment tjetër të bujshëm.

Në pjesën e dytë, megjithatë, zikaltërit e nisën keq dhe në minutën e 52-të ndodhi goli i barazimit: gjuajtje e shkëlqyer nga Ferguson, Zirkzee vendosi topin në të djathtë dhe mposhti Sommerin për 2-2. 

Inzaghi korrigjon formacionin dhe bën një zëvendësim të trefishtë: Carlos Augusto, Cuadrado dhe Sanchez hyjnë në lojë për Dimarco, Dumfries dhe Thuram. Kiliani u përpoq menjëherë të lërë shenjën e tij, por goli i tij u anulua për pozicion jashtë loje. 

‘Zikaltrit’ iu afruan një epërsie të re me devijimin e Lautaro nga këndi, Në finale, rezultati mbetet 2-2: Interi humb një tjetër avantazh si vendas dhe lë dy pikë në rrugë. 

B.T (Dosja.al)

Sondazh

Poll

MË SHUMË