Aktualitet

Qeveria propozon ndryshimin e ligjit për turizmin, gjoba 150 mijë lekë për fshehjen e të ardhurave

Vendimi nuk do të lejojë asnjë subjekt të jap dhomë me qira për turistët nëse nuk marrin liçencë nga ministria.

3 Tetor 2023, 17:36 Nga h.k
Qeveria propozon ndryshimin e ligjit për turizmin, gjoba 150 mijë
Kryeministria

TIRANË- Qeveria e Shqipërisë pasditen e ditës së sotme ka marrë vendim për ndryshime në Ligjin e Turizimit. Sipas qeverisë bizneset që nuk deklarojnë të ardhurat do të gjobiten me vlerën 150 mijë lekë.

Vendimi nuk do të lejojë asnjë subjekt të jap dhomë me qira për turistët nëse nuk marrin liçencë nga ministria. Ndryshimet në Ligjin e Turizmit vijnë për mosdeklarimin real të dhomave që jepen me qira.

Në projektligj propozohet që pjesë e strukturave akomoduese të mos jenë vetëm hotelet, motelet, resortet, kampingjet apo dhomat e ofruara nëpër agroturizma, por të përfshihen edhe apartamentet që ofrohen nga qytetarët për akomodimin e turistëve që kanë në përbërje një dhomë, kuzhinë dhe të paktën 1 tualet. Referuar projektligjit të gjitha këto struktura akomoduese të lartpërmendura duhet të regjistrohen në QKR dhe brenda 30 ditësh duhet të aplikojnë për të marrë certifikatë pranë Ministrisë së Turizmit.

VENDIMI

“Çdo sipërmarrës turistik, që ushtron veprimtarinë si strukturë akomoduese, brenda 30 ditëve nga regjistrimi në Qendrën Kombëtare të Regjistrimit për ushtrimin e veprimtarisë si strukturë akomoduese, paraqet pranë ministrisë përgjegjëse për turizmin kërkesën për pajisjen me certifikatë kategorizimi, sipas kritereve të përcaktuara në aktet nënligjore në zbatim të këtij ligji. Certifikata e kategorizimit të strukturës akomoduese është pa afat dhe regjistrohet në Regjistrin Qendror të Turizmit, që administrohet nga ministria përgjegjëse për turizmin. Çdo strukturë akomoduese gjatë ushtrimit të veprimtarisë ka detyrimin te kryejë regjistrimin elektronik të klientëve me të dhënat mbi numrin e vizitorëve, netëve të qëndrimit, shtetësinë, rezidencën, gjininë dhe moshën”, thuhet në nenin 43 të këtij projektligji.

Për të gjitha strukturat akomoduese që ushtrojnë aktivitetin pa marrë licencë pranë ministrisë do të aplikohen penalitete si më poshtë:

a)            Ushtrimi i veprimtarisë si strukturë akomoduese pa certifikatë kategorizmi, sipas nenit 43/1 dënohet me gjobë, bazuar në numrin e dhomave, si më poshtë:

i.              nga 1 deri në 5 dhoma me 20 000-50 000 lekë

ii.             nga 6 deri në 15 dhoma me 100 000 lekë;

iii.            nga 16 deri në 40 dhoma me 200 000 lekë:

iv.            nga 41 deri në 80 dhoma me 300 000 lekë;

v.             mbi 80 dhoma me 400 000 lekë.

b)            përdorimi i paautorizuar i shënjave dalluese në strukturën akomoduese, pa u kryer procesi i klasifikimit sipas nenit 45 dënohet me gjobë 200 000 lekë;

c) ushtrimi i veprimtarisë si agroturizëm pa certifikatën përkatëse sipas nenit 45/1 dënohet me gjobë, bazuar në numrin e dhomave, si më poshtë:

i. deri në 5 dhoma 50 000 lekë;

ii. mbi 5 dhoma 100 000 lekë.

Për shkak të fenomenit që strukturat akomoduese të deklaruara por edhe ato të padeklaruara nuk raportojnë numrin e vizitorëve, në projektligj propozohet ndëshkim me gjobë edhe për këtë shkelje.

“Mosdeklarimi i të dhënave statistikore nga strukturat akomoduese për numrin e vizitorëve, numrin e netëve të qëndrimit, shtetësinë, rezidencën, gjininë dhe moshën, sipas nenit 66 dënohet me gjobë 150 000 lekë”, thuhet në germën R, të nenit 71.

Qeveria propozon ndryshimin e ligjit për turizmin, gjoba 150 mijë

ligji per turizmin qeveria

Sondazh

Poll

MË SHUMË